އިންޑިއާގެ އަންދްރަ ޕްރެދޭޝްގައި ދިވާލީ ފާހަގަކުރުމުގެ ބޭނުމަށް މޮޓޯ ސައިކަލެއްހގައި އުފުލި "ފިޔާ ބޮން" ގޯންޏެއް ގޮވައި 3 މީހުން މަރުވެ 11 މީހުން ޒަހަމްވެއްޖެއެވެ.
ފިޔާ ބޮމަކީ ފިޔާގެ ބައްޓަމަށް ހަދާފައިވާ ފަޓާސް ނުވަތަ ފަޔަރ ކްރެކަރ އެވެ. އެއީ އިންޑިއާގައި ދިވާލީ ފާހަގަކުރުމުގެ ގޮތުން ގޮއްވުމަށް އެ ގައުމުގައި އާންމު ގޮތެއްގައި ބޭނުންކޮށް އުޅޭ އެއްޗެކެވެ.
އެ ހާދިސާ އާއި ގުޅިގެން އިންޑިއާ ސިފައިން ބުނެފައިވާ ގޮތުގައި "ފިޔާ ބޮން" ގޯނި ގޮވާފައިވަނީ އެ ގޯނި ހިފައިގެންދިިޔަ މޮޓޯ ސައިކަލް ވަޅުގަނޑަށް ޖެހި ހިނގި ހާދިސާއެއްގައެވެ.
ރިޕޯޓުތައް ބުނެފައިވާ ގޮތުން އެ ފިޔާ ބޮން ޝިޕްމެންޓުގައި އައި.އީ.ޑީ ގެ ބާރު ހުރިކަމަށާއި ، އެ ގޮވުމުގެ ސަބަބުން އެ އުފުލި މީހާގެ ހަށިގަނޑު ވަނީ ކުދިކުދި ވެފައެވެ.
މި ހާދިސާ ހިނގާފައިވަނީ އިންޑިއާގައި ވައި ނުސާފުވުމާއި އަދި އެކަމާއި ފަޓާސް އެންދުމާ ގުޅިފައިވާކަން ފާހަގަކޮށް ފަޓާސް ނޭންދުމަށް އިންޑިއާ ސަރުކާރުން އިލްތިމާސްކޮށްފައިވަނިކޮށެވެ.
މި ހަފްތާގެ އަންގާރަ ދުވަހުވެސް އިންޑިއާގެ ގޯދާވަރީ ޑިސްޓްރިކްޓްގައި ހުންނަ ފަޓާސް "ފިޔާ ބޮން" އުފައްދާ ތަނެއްއްގައި ފަޓާސް ތަކެއް ގޮވައި ހިނގި ހާދިސާއެއްގައި 2 އަންހެނަކު މަރުވެ، އެތައް ބަޔަކުވަނީ ވަރަށް ބޮޑަށް ޒަހަމްވެފައެވެ.
