ކޭޝް ކާޑުގެ ބަދަލުގައި ބޭނުން ކުރެވޭ އަނގޮޓިއެއް މޯލްޑިވްސް އިސްލާމިކް ބޭންކުން ތައާރަފުކޮށްފި އެވެ.
ރޭ ހުޅުމާލޭގައި ބޭއްވި ހަފުލާއެއްގައި ތައާރަފުކުރި "ފައިސާވެއާ" އަނގޮޓި އަކީ އޭޓީއެމް ތަކާއި ޕީއޯއެސް ތަކުން ކޭޝްކާޑުން ކުރެވޭ ބޭނުންތައް ކުރެވޭ އަނގޮޓިއެކެވެ.
"ފައިސާވެއާ" އަނގޮޓިއަކީ ކޮންމެ ތަނަކު ކޮންމެ ވަގުތަކުވެސް ގެންގުލޭވޭ އަނގޮޓި އެކެވެ. އެގޮތުން ކުޅިވަރު ކުޅޭ އިރުގައްޔާއި އަނގޮޓި އާއެކު މޫދައް އެރުނު ކަމުގައިވީނަމަވެސް އަނގޮޓި ނަގަން ނުޖެހޭނެއެވެ.
ރޭބޭއްވި އެ ރަސްމިއްޔާތުގައި މޯލްޑިވްސް އިސްލާމިކް ބޭންކުން ބުނެފައިވަނީ މާލޭ ބިޒްނަސް ސެންޓަރުންނާއި ރަށްރަށުގައި ގާއިމުކޮށްފައި ހުންނަ ބްރާންޗްތަކުން ވެސް އެ އަނގޮޓި މިހާރު ލިބެން ހުންނާނެ ކަމަށެވެ.
