ވައިގެމަގުން ރާއްޖެއެތެރެކުރަން އުޅުނު 5.9 ކިލޯގެ މަސްތުވާތަކެތި މޯލްޑިވްސް ކަސްޓަމްސް ސާވިސަސްއިން ހިފަހައްޓައިފިއެވެ.
ކަސްޓަމްއިން ހާމަކޮށްފައިވާ ގޮތުގައި މި މަސްތުވާތަކެތި ހިފަހައްޓާފައިވަނީ މިދިޔަ ބުރާސްފަތި ދުވަހު ވެލާނާ އިންޓަނޭޝަނަލް އެއާޕޯޓުންނެވެ.
އެހެން ނަމަވެސް މިތަކެތި އަތުލައިގަނެވުނު ގޮތުގެ ތަފްސީލް ކަސްޓަމްސްއިން ހާމަކޮށްފައެއް ނުވެއެވެ.
ކަސްޓަމްސްއިން ބުނީ، ރާއްޖެ އެތެރެކުރަން އުޅެނިކޮށް ހިފަހައްޓާފައިވަނީ 5520 ގުރާމް ކެނެބިސް އާއި 416 ގުރާމް ކެތިނޯން ކަމަށެވެ. އަދި އެއީ ޖުމްލަ 5.9 ކިލޯގެ މަސްތުވާތަކެތި ކަމަށް ވެސް ކަސްޓަމްސް އިން ބުނެފައިވެއެވެ.
