ރައްޔިތުންގެ ސައްލާ ފޯރަމްގެ ނަމުގައި ބަޖެޓާ ގުޅޭ މައުލޫމާތު ދިނުމަށް ފޯރަމް ތަކެއް ޞާއްވަން ނިންމައިފިއެވެ.
ބެޖެޓް 2025 އާއި ގުޅޭގޮތުން ރައްޔިތުންނަށް މައުލޫމާތު ފޯރުކޮށްދިނުމަށް ވެރިކަންކުރާ ޕީއެންސީ އިން މިރެއިން ފެށިގެން ކުރިއަށްގެންދާ "ރައްޔިތުންގެ ސައްލާ ފޯރަމް" ގައި އާއްމުންނަށް ބަޖެޓާ ގުޅޭގޮތުން ސުވާލުކުރުމުގެ ފުރުސަތު ލިބިގެންދާނެކަމަށް ޕީއެންސީން ބުނެފައިވެއެވެ.
އެގޮތުން މިރޭގެ ޕްރޮގްރާމްށް ކަނޑައަޅާފައިވާ ނަމަކީ "ގެދޮރުވެރިކަމުގެ ބަޖެޓް 2025″ އެވެ. އަންނަ އަހަރަށް ލަފާކުރާ ބަޖެޓްގައި އަލަށް ފަށާ ބޯހިޔާވަހިކަމުގެ ޕްރޮގްރާމުތަކަށް ވަނީ 1.2 ބިލިއަން ރުފިޔާ ކަނޑައަޅާފައެވެ. އަންނަ އަހަރަށް ސަރުކާރުން ހުށަހަޅާފައިވަނީ 56.6 ބިލިއަން ރުފިޔާގެ ބަޖެޓެކެވެ.
