1988 ވަނަ އަހަރުގެ ނޮވެމްބަރު 3 ވަނަ ދުވަހު ރާއްޖެއަށް ކުރިމަތިވި އުދުވާނި ހަމަލާގައި ޝަހީދުވި އަބުޠާލުންގެ ޝަރަފުގައި ދިދަ ވިހުރައިލުން ހުޅުމާލޭގައި ކުރިއަށް ގެންގޮސްފި އެވެ.
ފުލުހުންގެ ހިދުމަތުން މިކަން ހާމަކޮސްފައި ވަނީ އެ އިދާރާއިން އެކްސްގައި ކުރެއްވި ޕޯސްތެއްގަ އެވެ.
ހުޅުމާލެ ފޭސް 1 ޕޮލިސް ސްޓޭޝަނުން އިއްޔެ ކުރިއަށް ގެންދިޔަ މި ހަރަކާތުގައި، ހުޅުމާލޭގެ ސްކޫލުތަކުގެ ދަރިވަރުންނާއި ބެލެނިވެރިންނާއި މުދައްރިސުންނާއި ސްކޫލް މެނޭޖްމަންޓުގެ ބޭފުޅުންނާއި އާންމު ބައެއް ރައްޔިތުން ވެސްވަނީ ބައިވެރިވެފަ އެވެ.
މި ހަރަކާތުގައި، ނޮވެމްބަރު 3 ގެ ހަމަލާގައި ޝަހީދުވި އަބްޠާލުންގެ ހަނދާނުގައި ސުކޫތެއް ގެނައުމާއި ދިދަ ވިހުރައިލުން އަދި ނަސްރުގެ ދުޢާ އާއި ގައުމީ ސަލާމް ކިޔާފައިވެ އެވެ.
