އެމެރިކާގައި ބޭއްވި ރިޔާސީ އިންތިހާބު އެ ގައުމުގެ ކުރީގެ ރައީސް ޑޮނަލްޑް ޓްރަމްޕް ކާމިޔާބު ކުރެއްވުމާ ގުޅިގެން ރައީސް ޑރ. މުހައްމަދު މުއިއްޒު މަރުހަބާ ވިދާޅުވެއްޖެ އެވެ.
ޓްރަމްޕް ވަނީ އޭނާ އާ ވާދަކުރެއްވި އެމެރިކާގެ މިހާރުގެ ނައިބު ރައީސް އަދި ޑިމޮކްރެޓްސްގެ ކެންޑިޑޭޓު ކަމަލާ ހެރިސްގެ މައްޗަށް އިންތިހާބުގައި ކުރިލިބިވަޑައިގެންފައިވާކަން އިއުލާނު ކުރައްވާފަ އެވެ.
އިންތިހާބުގެ ނަތީޖާތައް ދައްކާ ގޮތުން މިހާތަނަށް އައިއިރު، 267 އިލެކްޓޯރަލް ވޯޓު ޓްރަމްޕަށް ވަނީ ލިބިވަޑައިގެންފަ އެވެ. ކަމަލާއަށް ލިބިވަޑައިގަތީ 224 އިލެކްޓޯރަލް ވޯޓެވެ. ރައީސްކަން ލިބެނީ 270 އިލެކްޓޯރަލް ވޯޓު ލިބިގެނެވެ.
އިންތިހާބުގައި ޓްރަމްޕް ހޯއްދެވި ކާމިޔާބީއަށް މަރުހަބާ ދަންނަވައި "އެކްސް" ގައި ކުރެއްވި ޕޯސްޓުގައި ރައީސް ވިދާޅުވީ ރާއްޖެ އާއި އެމެރިކާ އާ ދެމެދު އޮންނަނީ އިހުތިރާމާއި ގެ މައްޗަށް ބިނާވެފައިވާ ގުޅުމެއް ކަމަށެވެ.
ކުރިއަށް އޮތް ތަނުގައި ވެސް ދެ ފަރާތުގެ ދެމެދު އޮތް ގުޅުން ހަރުދަނާކޮށް ހުރި ގޮންޖެހުންތަކަށް ހައްލު ހޯދައި، ދުނިޔޭގެ ސުލްހަމަސަލަސްކަން ކުރިއެރުވުމަށް މަސައްކަތް ކުރުމަށް އުންމީދުކުރައްވާ ކަމުގައި އެމަނިކުފާނު ފާހަަގަކުރެއްވި އެވެ.
