ރާއްޖޭގެ ޓޫރިޒަމް އިޝްތިހާރުކުރުމަށްޓަކައި ދުނިޔޭގެ އެއްމެ ބޮޑު ގިވްއަވޭ ޕްރޮމޯޝަން މޯލްޑިވްސް މާކެޓިންގ އެންޑް ޕްބްލިކް ރިލޭޝަންސް ކޯޕަރޭޝަނުން ފަށައިފިއެވެ.
ލަންޑަނުގައި މިހާރު ކުރިއަށްދާ ވޯލްޑް ޓްރެވަލް މާކެޓް (ޑަބްލިއުޓީއެމް) ގައި މޯލްޑިވްސް މާކެޓިންގ އެންޑް ޕްބްލިކް ރިލޭޝަންސް ކޯޕަރޭޝަނުން ލައުންޗުކުރި ދުނޔޭގެ އެއްމެ ބޮޑު ގިވްއަވޭ ޕްރޮމޯޝަނުން ހޮވޭ 52 ފަރާތަތަކަށް އަންނަ އަހަރު ރާއްޖޭގެ ލަގްޒަރީ ރިސޯޓެއްގައި އެއް ހަފްތާގެ ޗުއްޓީ އެއް ހޭދަކޮށްލުމުގެ ފުރުސަތު ލިބިގެންދާނެއެވެ.
އެގޮތުން އެ ޕްރޮމޯޝަނުން ހޮވޭ 52 ފަރާތަކަށް އަންނަ އަހަރު ކޮންމެވެސް އެއް ހަފްތާއަކު ރާއްޖެއަށް ޒިޔާރައްކުރުމުގެ ފުރުސަތު ހުރިހާ ޙަރަދަކާއެކު ލިބިގެންދާނެއެވެ. އެކަން ހާމަކޮސް އެމްއެންޕީއާރސީން ބުނެފައިވަނީ އަންނަ އަހަރު ކޮންމެ ހަފްތާއަކުވެސް ކޮންމެވެސް އެއް ފަރާތަކަށް އެފުރުސަތު ދެމުންގެންދާނެކަމަށެވެ.
