މި އަހަރު ނިމުމުގެ ކުރިން މާލެ ސަރަޙައްދުގެ ސަރުކާރުގެ ހޮސްޕިޓަލްތަކުގެ އޮޕަރޭޝަން ތިއޭޓަރުތަކުގެ އަދަދު 12 އަށް އިތުރުކުރަން އަމާޒު ހިފާފައިވާ ކަމަށް ނެކަމަށް ދަރުމަވަންތަ ހޮސްޕިޓަލްގެ ސީއީއޯ އިބްރާހީމް އަބްދުއްރައްޒާގު ޙަލީމް ވިދާޅުވެއްޖެ އެވެ.
ޕީއެސްއެމް ނިއުސް ރާއްޖެމިއަދު ޕްރޮގްރާމުގައި ވާހަކަދައްކަވަމުން އައިޖީއެމްއެޗް ގެ ސީއީއޯ ހަލީމް ވިދާޅުވީ މިހާރު އައިޖީއެމްއެޗްއާއި ދަރުމަވަންތަ ހޮސްޕިޓަލްގައި ޚިދުމަތް ދެމުން ގެންދަނީ ހަތަރު އޮޕަރޭޝަން ތިއޭޓަރުގައިކަމަށާއި، އައިޖީއެމްއެޗްގެ ނަމަވެސް އައިޖީއެމްއެޗް ހޮސްޕިޓަލް ގައި އިތުރު 4 ތިއޭޓަރުގެ މަސައްކަތް މިހާރު ކުރިއަށްދާ ކަމަށާއި، އޭގެ އިތުރުން ހުޅުމާލެ ހޮސްޕިޓަލް ތަރައްގީ ކުރުމުގެ މަސައްކަތުގެ ތެރޭގަވެސް ހަތަރު އޮޕަރޭޝަން ތިއޭޓަރު ހިމެނޭ ކަމަށާއި އެހެންކަމުން މިއަހަރު ނިމޭއިރު މާލެ ސަރަޙައްދުގައި 12 އޮޕްރޭޝަން ތިއޭޓަރު ހުންނާނެކަމަށެވެ.
އޭގެ އިތުރުން އައިޖީއެމް ހޮސްޕިޓަލުގައި ބެޑް އިތުރުކުރުމުގެ މަސައްކަތްތަކެއްވެސް ކުރެވެމުންދާކަމަށާއި، އަދި ހުޅުމާލެ ހޮސްޕީޓަލް ތަރައްގީކުރުމަށް ކުރިއަށްގެންދާ މަސައްކަތުގެ ތެރޭގައި 14 އެނދުގެ އެންއައިސީޔޫއަކާއި 10 އެނދުގެ އައިސީޔޫއެއް ތަރައްޤީކުރުންވެސް ހިމެނޭ ކަމަށް ޚަލީމް ވިދާޅުވިއެވެ.
