މީޑިއާތަކަށް ދައުލަތުގެ ބަޖެޓުން ފައިސާ ދިނުމުގައި ފަސް ކަމަށް ބެލުމަށް ކަނޑައަޅާފައިވާކަން މިނިވަންއަށް އެނގިއްޖެއެވެ.
ދައުލަތުން މީޑިއާތަކަށް ފައިސާ ދިނުމަކީ ރައީސުލްޖުމްހޫރިއްޔާ ޑރ. މުހައްމަދުު މުއިއްޒުގެ ރިޔާސީ ވަޢުދެކެވެ.
މިނިވަންއަށް އެނގިފައިވާ ގޮތުގައި ސަރުކާރުން މިހާރު ކަނޑައަޅާފައިވާ އުސޫލުގެ ދަށުން ދައުލަތުގެ ބަޖެޓުން ފަައިސާ ދޫކުރުމުގައި ބަލާނީ ތިރީގައިވާ ކަންކަމެށެވެ.
- ރަޖިސްޓަރކޮށްފައިވާ މީޑިއާއަކަށްވުން
- ޕޭރޯލްއަށް މުވައްޒަފުންނަށް ގަވާއިދުން މުސާރަދިނުން (ކުންފުނީގެ އެކައުންޓުން މުވައްޒަފުންގެ އެކައުންޓަށް މުސާރަ ގަވާއިދުން ޖަމާކުރުން)
- މުވައްޒަފުން ޕެންޝަން ސްކީމްގައި ރަޖިސްޓާ ކޮށްފައި ހުރުން
- އެ މީޑިއާއަށް ހާއްސަ އޮފީހެއް ހުރުން
- މީޑިއާއިން ގެނެސްދޭ ކޮންޓެންޓް ރަނގަޅުވުން
- އެކަމަށް ހާއްސަ ލައިސެންސްއެއް ލިބިގެން މަދުވެގެން އެއް އަހަރު ދުވަހު ހަރަކާތްތެރިވެފައިވުން
