އިންޑިއާގެ 2 ހެލިކޮޕްޓަރާއި ޑޯނިއާ މަތިންދާ ބޯޓް ރާއްޖެ ގެނައީ ރައީސް މައުމޫން އާއި ރައީސް ޔާމީނުގެ ސަރުކާރުން އެދިގެންކަމަށް އެމްޑީޕީގެ ރައީސް އަބްދުﷲ ޝާހިދު ވިދާޅުވެއްޖެއެވެ.
ރޭ އިދިކޮޅު މާލްޑިވިއަން ޑިމޮކްރަޓިކް ޕާޓީން އާޓިފިޝަލް ބީޗުގައި ބޭއްވި "ފުދިއްޖެ،ފުނޑިއްޖެ" ޖަލްސާގައި ވާހަކަ ދައްކަވަމުން އަބްދުﷲ ޝާހިދު ވިދާޅުވީ މި ސަރުކާރުން އޭރު އިދިކޮޅުގައި ތިބެ އިންޑިއާ އައުޓުކުރަން ނިކުތީ ރާއްޖޭގައި އޮތް އިންޑިއާގެ 2 ހެލިކޮޕްޓަރާ ޑޯނިއާ މަތިންދާބޯޓް ގެ މައްސަސަލާގައި ކަމަށާއި އެހެންކަމުން އެ ކަން ހިގާފައޮތް ގޮތް ބުނެދިނުން މުހިއްމުކަމަށް ވިދާޅުވެ އެކަމުގެ ތަފްސީލުތައް ޝާހިދުވަނީ ރޭގެ ޖަލްސާގައި ހިއްސާކުރައްވާފައެވެ.
އެމަނިކުފާނު ވިދާޅުވީ 2 ހެލިކޮޕިޓަރުގެ ތެރެއިން ފުރަތަމަ ހެލިކޮޕިޓަރު ރާއްޖެއަށް ގެނައުމުގެ މަޝްވަރާތައް ފެށިފައިވަނީ ކުރީގެ ރައީސް ރައީސް މައުމޫނުގެ ސަރުކާރުގައި، 2008 ވަނަ އަހަރު އިންޑިއާއަށް ކުރެއްވި ދަތުރުފުޅެއްގައި ދެކެވުނު ވާހަކައެއްގެ ތެރޭގައި އެމްއެންޑީއެފް ގައި އެއާވިންގ އެއް އުފެއްދުމުގެ ވާހަކަ ތެރެއިން ކަމަށާއި، ކަންދިމާކުރި ގޮތުން 2008 ގައި ބޭއްވި އިންތިހާބު ރައީސް މައުމޫނަކަށް އިންތިހާބު ކާމިޔާބެއް ނުކުރެއްވުމުން މައުމޫނުގެ ސަރުކާރުން އެދިފައޮތް ހެލިކޮޕްޓަރ އައި ރައީސް މުޙައްމަދު ނަޝީދުގެ ސަރުކާރުގައި ކަމަށެވެ.
"2 ހެލިކޮޕިޓަރުގެ ތެރެއިން ފުރަތަމަ ހެލިކޮޕިޓަރު ރާއްޖެއަށް ގެނައުމުގެ މަޝްވަރާތައް ފެށިފައިވަނީ ކުރީގެ ރައީސް ރައީސް މައުމޫނުގެ ސަރުކާރުގައި، 2008 ވަނަ އަހަރު އިންޑިއާއަށް ކުރެއްވި ދަތުރުފުޅެއްގައި ދެކެވުނު ވާހަކައެއްގެ ތެރޭގައި އެމްއެންޑީއެފް ގައި އެއާވިންގ އެއް އުފެއްދުމުގެ ވާހަކަ ދެކެވިފައިވޭ، އޭގެ ތެރެއިން އާ ކަމެއް މީ، ކަންދިމާކުރި ގޮތުން 2008 ގައި ބޭއްވި އިންތިހާބު ރައީސް މައުމޫނަކަށް އިންތިހާބު ކާމިޔާބެއް ނުކުރެއްވުނު، އެ އިންތިހާބު ކާމިޔާބުކުރެއްވީ އެމްޑީޕީގެ ކެނޑިޑޭޓް ރައީސް މުޙައްމަދު ނަޝީދު، އެއްކަލަ އަޅުގަނޑުމެން އެދިފައޮތް ހެލިކޮޕްޓަރ އައި ރައީސް މުޙައްމަދު ނަޝީދުގެ ސަރުކާރުގަ،
އެއަށްފަހު ރާއްޖެއަށް ގެނެވިފައިވާ 2 ވަނަ ހެލިކޮޕްޓަރަކީ 2015 ވަނަ އަހަރު އިންޑިއާ އެކު ރައީސް ޔާމީނުގެ ސަރުކާރުން ބޭއްވި ޑިފެންސް ޓޯކްސް ގެ ތެރެއިން އެ ސަރުކާރުން އެދިގެން ގެނެވުނު ހިލިކޮޕްޓަރެއް ކަމަށާއި އެގޮތުން އެ ހެލިކޮޕްޓަރ 2016 ވަނަ އަހަރު ގެނެސް ހަނިމާދޫގައި ބާއްވާފައި އެއޮތީ އެ ހެލިކޮޕްޓަރ ކަމަށެވެ. އެ ހެލިކޮޕްޓަރަކީ އެމްޑީޕީން އެދިގެން ގެނައި އެއްޗެއްވެސް ނޫންކަމަށެވެ.
ދެން މަސައްކަތް ހިނގަމުން ގޮސް 2015 ވަނަ އަހަރު އޭރުގެ ސަރުކާރުން، ރައީސް ޔާމީނުގެ ސަރުކާރުން ބޭއްވި ޑިފެންސް ޓޯކްސްގަ އަނެއްކާވެސް އެދިވަޑައިގެންފި އަދި އެކައްޗަކުން ނުފުދެއޭ 2 ވަނަ ހެލިކޮޕްޓަރެއް ތިމަންނާމެން ބޭނުމޭ، އެދިވަޑައިގަތީމަ 2 ވަނަ ހެލިކޮޕްޓަރުގެ މަސައްކަތް ފަށައިގެން 2016 ވަނަ އަހަރު "އެސޮރު" ގެނެސް ބާއްވާފަ އެއޮތީ ހަނިމާދޫގައި. އެއީކީ އެމްޑީޕީން ގެނައި އެއްޗެއްނޫން، އެމްޑީޕީ ސަރުކާރުން އެދުނު އެއްޗެއްވެސް ނޫން. ހަނިމާދޫގަ އެއޮތް ހެލިކޮޕްޓަރ ގެނެސް ބާއްވާފަ އެއޮތީ ރައީސް ޔާމީން އެދިވަޑައިގަންނަވައިގެން.
ރާއްޖޭގައި ބޭނުންކުރާ އިންޑިއާގެ ޑޯނިއާ މަތިންދާބޯޓަކީވެސް ޔާމީނުގެ ސަރުކާރުން އެދިލައްވައިގެން ގެނެސްފައިވާ ފުލައިޓެއް ކަމަށްވެސް ޝާހިދުވަނީ ވިދާޅުވެފައެވެ. އެގޮތުން އެމަނިކުފަނު ވިދާޅުވީ ާ ޑޯނިއާ މަތިންދާ ބޯޓަކީ 2016 ވަނަ އަހަރު އިންޑިއާ ސަރުކާރާ ރައީސް ޔާމީނުގެ ސަރުކާރާ ދެމެދު ބޭއްވި ޑިފެންސް ޓޯކްސް ގައި ރައީސް ޔާމީން ގެ ސަރުކާރުން 2 ހެލިކޮޕްޓަރުގެ އިތުރުން ޑޯނިއާ މަތިންދާބޯޓެއްވެސް ބޭނުންވާކަމަށް އެދިގެން ގެނެސްފައިފާ ފުލައިޓެއްކަމަށާއި، ނަމަވެސް 2018 ވަނައަހަރު ރައީސް ޔާމީނަށް ވެރިކަން ލިބިނުލެއްވުމުން އެ ފުލައިޓް ރާއްޖެ ގެނެވިފައިވަނީ އެމްޑީޕީގެ ސަރުކާރުގައި ކަމަށެވެ.
2016 ވަނަ އަހަރު ބޭއްވުނު ޑިފެނެސް ޓޯކްސް ގަ އަދި 2 ހެލިކޮޕްޓަރަކުން ނުވާނޭ ތިމަންމެން އެބަ ބޭނުންވެޔޭ ޑޯނިއާ އެއްވެސް އެދިވަޑައިގެންފައި އޮތީ ރައީސް ޔާމީނުގެ ސަރުކާރުގައި، އެދިވަޑައިގެން އެކަމަށް ތައްޔާރުކޮށް ފަހިކުރަމުން ގެންދަވަނިކޮށް އެހެންނަމަވެސް ކަންދިމާކުރިގޮތުން 2018 ވަނަ އަހަރު ބޭއްވި ރިޔާސީ އިންތިހާބުގައި ރައީސް ޔާމީނަށް ނާކާމިޔާބު ވެޑައިގަތީމަ އެއްކަލަ އެދިވަޑައިގެންފައި އޮތް ޑޯނިއާ މިކޮޅަށް ފޮނުވުނީ އަޅުގަނޑުމެންގެ ސަރުކާރުގައި"
