ހަންބޯ މޯލްޑިވްސް ކުންފުނި ބޭނުން ކޮށްގެން އެ ކުންފުނީގެ ކުރީގެ ހިއްސާދާރު ހަސަން މަމްދޫހު (މަންޑޭ)، ކޭ-ޕާކްގެ ފްލެޓްތައް މަކަރާއި ހީލަތުން ނުއަގުގައި ވިއްކައިގެން ހޯދާފައިވާ ކަމަށް ބެލެވޭ މުދާތަކާއި ޕެންޓްހައުސް ޝަރީއަތް ނިމެންދެން ހިފަހައްޓަން އަމުރުކޮށްފި އެވެ.
ކޭ-ޕާރކް ރެޒިޑެންސްގެ އެޕާޓްމަންޓްތައް ވިއްކުމުގައި އޮޅުވާލުމާއި، މަކަރާއިހީލަތުން ވިއްކައިގެން ހޯދާފައިވާ ކަމަށް ބެލެވޭ އަގު ބޮޑު މުދާތައް މަމްދޫހުގެ އަތުން
ފުލުހުން ހޯދާފައިވެއެވެ.
އޭގެތެރޭގައި ޕެންޓް ހައުސްއެއް ހިމެނެއެވެ. މި ޕެންޓްހައުސް ބަލައިފާސްކޮށް ދިވެހިފުލުހުންގެ ޚިދުމަތުގެ ބެލުމުގެ ދަށަށް ގެނެސްފައިވާ މުދަލުގެ ތެރެއިން ހަމައެކަނި އަތްދަބަހާއި، ސެންޓު ފުޅިތަކާއި، ބޫޓާއި ފައިވާން، އަދި ގަހަނާތަކުގެ ލަފާކުރެވޭ އަގު 07 މިލިއަން ދިވެހި ރުފިޔާއަށްވުރެ މަތިވާނެ ކަމަށް ޕީޖީ އޮފީހުން ލަފާކުރެއެވެ.
ކޭޕާކް މައްސަލައިގައި މަންޑޭއާއެކު ދެން ދައުވާ ކުރަނީ، ރ. އަލިފުށި ކިނާރާ، ޖައިޝާން ސައީދުގެ މައްޗަށެވެ.
