2024 ވަނަ އަހަރުގެ މިސް ޔުނިވާސްގެ މަގާމު ޑެންމާކްގެ ވިކްޓޯރިއާ ކެޖާ އަށް ލިިބިއްޖެ އެވެ.
މެކްސިކޯގެ ވެރިރަށް މެކްސިޓީގައި ބޭއްވި ކުލަގަ ރަސްމިއްޔާތުގައި މިސް ޔުނިވާސްގެ މަގާމު ޑެންމާކްގެ ވިކްޓޯރިއާ ކެޖާ އަށް ލިބުނު އިރު މުބާރާތުގެ 2 ވަނަ ލިބިފައިވަނީ ނައިޖީރިއާގެ ޗިޑިންމާ އެޑެޓްޝީނާ އަށެވެ. އަދި މުބާރާތުހެ 3 ވަނަ ލިބުނީ މެކްސިކޯގެ މަރާޔާ ފެނަންޑާ ބެލްޓްރާން އަށެވެ. އެ ރަސްމިއްޔާތުގައި އުމުރުން 21 އަހަރުގެ ރީތީގެ ރާނީގެ ބޮލުގައި ތާޖު އަޅުވައި ދިނީ 2023 ވަނަ އަހަރުގެ މިސް ޔުނިވާސްގެ މަގާމަށް ހޯދި ނިކަރާގުއާގެ ޝޭނިސް ޕަލާޝިއޯސް އެވެ.
މިއަހަރު ބޭއްވި މިސްޔުނިވާސް ގެ 73 ވަނަ މުބާރާތުގައި 152 ގައުމަކުން ބައިވެރިން ވާދަކޮށްފައިވެއެވެ. އަދި އެ މުބާރާތުގައި މިއަހަރު އަލަށް 11 ގައުމަކުން ވާދަކުރި އިރު އޭގެ ތެރޭގައި ދިވެހިރާއްޖެ ވެސް ހިމެނެ އެވެ. މުބާރާތުގައި ރާއްޖެ ތަމްސީލުކޮށްފައިވަނީ 21 އަހަރުގެ މަރިޔަމް ޝައިނާ އެވެ.
