އިޒްރޭލުގެ ހުރިހާ ރައްޔިތުން ހިމެނޭހެން އިޒްރޭލުގެ ޕާސްޕޯޓް މަނާކުރުމަށް ނުރުހޭ ކަމަށާއި އެހެންނަމަވެސް އިޒްރޭލުގެ ވެެރިންގެ ޕާސްޕޯޓް މަނާކުރަން ތާއީދުކުރާ ކަމަށް ރާއްޖޭގެ ގެސްޓް ހައުސް އެސޯސިއޭޑޝަންގެ ބޭފުޅުން 241 ކޮމިޓީގައި މިއަދު ވިދާޅުވެއްޖެއެވެ.
"އިޒްރޭލަކީ ޑުއަލް ޕާސްޕޯޓު ގެންގުޅޭ ގައުމެއް ވީމާ އަޅުގަނޑުމެންގެ ސްޓޭންޑަކީ އެއްވެސް ވަރަކަށް ތާއީދެއް ނުކުރަން. އިޒްރޭލުގެ ވެރިންގެ ޕާސްޕޯޓު ބޭން ކުރަން އަޅުގަނޑުމެން ވަރަށް ބޮޑަށް ތާއީދުކުރަން،"
އިޒްރޭލު ޕާސްޕޯޓް މަނާކުރަން އިމިގްރޭޝަން ގާނޫނަށް ހުށަހަޅާފައިވާ އިސްލާހު ގެނައުމުގެ ބިލާ ގުޅޭގޮތުން ރައްޔިތުންގެ މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީ (241 ކޮމިޓީ) ގެ މިއަދުގެ ބައްދަލުވުމުގައި ގެސްޓްހައުސް އެސޯސިއޭޝަންގެ ބޭފުޅުންނާ ބައްދަލުކޮށްފައިވެ އެވެ.
އެ ބައްދަލުވުމުގައި އެ އެސޯސިއޭޝަނުން ބުނީ އިޒްރޭލަކީ ގިނަ އަދަދެއްގެ މުސްލިމުން ވެސް އުޅޭ ގައުމަކަށްވާއިރު ޕާސްޕޯޓު މަނާކުރުމަކީ އެންމެ ރަނގަޅު ގޮތް ނޫން ކަމަށެވެ.
"އެދުމަކީ އާންމު ރައްޔިތުން ނުހިމެނޭ ގޮތަށް، އިޒްރޭލުގެ ވެރިންގެ ޕާސްޕޯޓު ބޭން ކުރަން. އެއީ އަޅުގަނޑުމެން ތާއީދުކުރާ ގޮތަކީ. އޭގެ ތެރޭގައި ސިފައިން ވެސް ނުހިމެނި،" އެޖަމިއްޔާއިން ބުންޏެވެ.
އެ ކޮމިޓީގައި އެސޯސިއޭޝަނުގެ މެންބަރަކު ވިދާޅުވީ އިޒްރޭލު ޕާސްޕޯޓް މަނާކުރުމުން އޭގެ ސަބަބުން ނޭދެވޭ ނަތީޖާ ނިކުމެދާނެ ކަމަށެވެ. އޮންލައިން ޕްލެޓްފޯމްތަކުގެ މޭޖަ ޝެއާހޯލްޑިން އޮންނަނީ ޔަހޫދީ ދައުލަަތަށް ނިސްބަތްވާ ބައެއްގެ އަތުގައި ކަމަށެވެ.
އެންއެޗްޖީއޭއެމްގެ އެންމެ ބޮޑު ކަންބޮޑުވުމަކީ އިޒްރޭލުގެ ޕާސްޕޯޓު މަނާކުރުމުން ފަތުރުވެރިކަމުގެ ސިނާއަތަށް ކުރާނެ ނޭދެވޭ އަސަރުތަކެވެ. އިޒްރޭލުން އަންނަ މީހުންގެ އަދަަދަށް އަލިއަޅުވާލާ އެ އެސޯސިއޭޝަނުން ބުނީ މިދިޔަ އަހަރު އެ ގައުމުން 10،380 މީހުން އައިސްފައިވާ ކަމަށެވެ. އެހެންނަމަވެސް މި އަހަރުގެ މިހާތަނަށް އައީ ގާތްގަނޑަކަށް 1،200 މީހުން ކަމަށެވެ.
241 ކޮމިޓީގައި ވާހަކަ ދައްކަމުން އެ ކޮމިޓީގެ މެންބަރަކު ވިދާޅުވިއެވެ؛ "މިހާ ބޮޑު ޑިކްލައިނެއް އައިއްސަ އިންދާ އަދި އަަޅުގަނޑުމެން މިކަހަލަ ކަމެއް ކޮށްފިއްޔާ އަޅުގަނޑުމެންނަށް މި ބްލޭންކެޓްކޮށް ކުރެވެން ހުއްޓާ އިޒްރޭލުގެ ރައްޔިތުންނަށް ނިސްބަތްވާ މީހުންނަށް ބޭން އެއް ގެނެެއްސިއްޔާ މީގެން އިކޮނޮމިކް އިމްޕެކްޓް ފުދޭވަރަކަށް ބޮޑުވެދާނެހެން،"
