ގާނޫނާ އެއްގޮތަށް ސުޕްރީމް ކޯޓާއި ހައިކޯޓު ރިސެސްއަށް ހިނގައްޖެއެވެ.
ރިސެސްއަށް ދާކަން އިއުލާނުކޮށް ސުޕްރީމް ކޯޓުން ކުރި އިއުލާނުގައި ބުނީ ކޯޓުތަކުގެ ގާނޫނުގެ 7 ވަނަ މާއްދާގައިވާ ގޮތުގެމަތިން ނޮވެންބަރު މަހުގެ އެންމެ ފަހު ރަސްމީ މަސައްކަތު ދުވަހުން ފެށިގެން ޖެނުއަރީ 1 ވަނަ ދުވަހާ ހަމައަށް އެ ކޯޓު އޮންނަނީ ރިސެސްގައި ކަމަށެވެ.
ސުޕްރީމް ކޯޓުން ބުނީ ކޯޓުތަކުގެ ގާނޫނު ގައި ބަޔާން ކޮށްފައިވާ ހާލަތުގެ އިތުރަށް، ގާނޫނުއަސާސީ ނުވަތަ ގާނޫނެއްގެ ދަށުން ވަކި ކަމެއް ވަކި މުއްދަތެއްގެ ތެރޭގައި ނިންމަން ޖެހޭ ކަމަށް ބަޔާންކޮށްފައިވާ ހާލަތްތައް ފިޔަވައި، ރިސެސްގެ މުއްދަތުގައި ސުޕްރީމް ކޯޓުގެ ޝަރީއަތުގެ އެއްވެސް އަޑުއެހުމެއް ނޯންނާނެ ކަމަށެވެ.
