އާ އަހަރު ވަރަށް ކުލަ ގަދަކޮށް ފާހަގަކުރައްވާނެކަމަށް ޔޫތު މިނިސްޓަރު އިބްރާހީމް ވަހީދު ވިދާޅުވެއްޖެ އެވެ.
މިނިސްޓަރ އިބްރާހިމް ވަހީދު (އަސްވާޑް) އާއި ޚަވާލާދީ މީޑިއާތަކުން ރިޕޯޓްކޮށްފައިވާ ގޮތުގައި މިނިސްޓަރ އަސްވާޑް ވިދާޅުވެފައިވަނީ އާ އަހަރު ފާހަގަކުރުން އޮންނާނީ މީގެ ކުރީގެ އަހަރުތަކާ ޚިލާފަށް ވަރަށް ތަފާތު ގޮތަކަށް ވަރަށް ކުލަގަދަކޮށް ކަމަށާއި އެކަން އޮންނާނީ ސަޕްރައިޒެއްގެ ގޮތުގައި ކަމަށެވެ.
ރާއްޖޭގައި އަބަދުވެސް ސަރުކާރުތަކުން އައުއަހަރަށް މަރުހަބާކިޔައި އަހަރުގެ ފެށުން ފާހަގަކުރުމުގެ ގޮތުން ޒުވާނުންނާއި ގުޅޭ ޚަރަކާތްތައް ރާވައި ހިންގައި ހަވާ އެރުވުންފަދަކަންކަން ދަނީކުރަމުންނެވެ.
