މަސްވެރިކަމުގައި ބޭނުންކުރާ ދޮށްޓާއި މަސްވެރިކަމުގައި ބޭނުންކުރާ ސާމާނު ރަނގަޅަށް ރައްކާކުރަން ދަސްކުރުމަކީ އޭގެ ހާލަތާއި ޕާފޯމަންސް ދެމެހެއްޓުމަށް ވަރަށް މުހިންމު ކަމެކެވެ. އޮފް ސީޒަނަށް ނުވަތަ މަސްވެރިކަމުގެ ދަތުރުތަކުގައި އުޅޭއިރު މަސްވެރިކަމުގައި ބޭނުންކުރާ އާލަތްތައް އެކަށީގެންވާ ގޮތުގައި ސްޓޯރ ކުރުމުގެ ސަބަބުން އެތަކެތީގެ އުމުރު ވަރަށް ބޮޑަށް ދިގުވެ، އަގުބޮޑު ތަކެތި ހަލާކުވުމުން ލިބޭ ގެއްލުމުން ސަލާމަތްވެވޭނެ އެވެ.
ޕްރީ-ސްޓޯރޭޖް ކެއާ
މަސްވެރިކަމަށްފަހު ވަކިން ހާއްސަކޮށް ލޮނުފެނުގެ އެކްސްޕޯސަރ އަށް ފަހު ރަނގަޅަށް ސާފުކުރުމަކީ ކޮންމެހެން ކުރަން ޖެހޭ ކަމެކެވެ. ހުރިހާ ސާމާނެއް ތާޒާ ފެނުން ރަނގަޅަށް ދޮވެލާށެވެ. ރީލްސް، ގައިޑް އަދި ދޮށީގެ ބޭރުގައި ލޮނު ހަރުލުން ނައްތާލުމަށްޓަކައި ހޫނު ސައިބޯނި ފެން ބޭނުންކުރާށެވެ. ސާފުކުރުމަށްފަހު ހުރިހާ ސާމާނެއް ސާފު ފޮތިގަނޑަކުން ރަނގަޅަށް ހިއްކާލާށެވެ.
ރީލް ޕްރިޕަރޭޝަން
ރީލް ސްޓޯރ ކުރުމުގެ ކުރިން ރީލް ސާފުކުރުމަށް ހާއްސަ ސޮލިއުޝަނެއް ބޭނުންކޮށްގެން ބެއަރިންތައް ރަނގަަޅަށްސާފުކުރާށެވެ. އަދި ރީލްގެ ހުރިހާ ބައިތަކަކަށް ކޮލިޓީ ރީލް އޮއިލް އެޅުމުން ރީލް ތެރޭގައި ފަންގަސް އާއި ލޮނު ކުނޑި ހަރުލުމުން ދުރުކޮށްދޭނެއެވެ. އަދި ސްޓޯރ ކުރާއިރު އަބަދުވެސް ޑްރެގް ސިސްޓަމްތައް ލުއިކުރާށެވެ.
ދިގު މުއްދަތަކަށް ސްޓޯރޭޖް ކުރުމުގެ ކުރިން ރީލްގެ ރަނގަޅު ޕްރޮފެޝަނަލް ސަރވިސް އެއް ދިނުމަކީ މުހިއްމު ކަމެކެވެ. އެކަމަށްޓަކައި ބްރޭންޑް ގައިޑްލައިންތައް ބެލައި އޭގައިބުނާ ގޮތަށް ސާވިސް ދިނުމަކީ ވަރަށް މުހިއްމު ކަމެކެވެ.
ދޮށި އިންސްޕެކްޝަން
ސްޓޯރޭޖް ކުރުމުގެ ކުރިން ދޮށީގެ ފުރިހަމަ އިންސްޕެކްޝަނަކުން ހަދާށެވެ. އެގޮތުން ކަފަބޫރަކުން ކޮންމެ ގައިޑެއްގައި ހިންގައި ރަފް ސްޕޮޓްސް ނުވަތަ ހަލާކުވެފައި ހުރިތަންތަން ދެނެގަނެވޭނެއެވެ.
ރައްކާކުރުމަށް ރަނގަޅު ތަނެއް އިޚްތިޔާރުކުރުން
ސްޓޯރޭޖް މާހައުލުގެ ސަބަބުން އިކުއިޕްމަންޓްގެ އުމުރަށް ވަރަށް ބޮޑަށް އަސަރުކުރެއެވެ. އެގޮތުން 30 ޑިގްރީއާއި 50 ޑިގްރީއާއި ދެމެދުގެ ފިނި ހޫނު މިނުގައި ސްޓޯރ ކުރުމަށް ސަމާލުކަން ދޭށެވެ. އަދި ސްޓޯރ ކުރާ ތަނަކީ ރަނގަޅަށް ވައި ދައުރުވާ ތަނަކަށް ވާންވާނެއެވެ. ނޫންނަމަ ދޮއްޓާއި ރީލްގައި މޮއިސްޗަރ ހިފައި ފަންގަސް އުފެދެން ފަށާނެއެވެ. އަދި ސީދާ އިރުގެ އަލިން ރައްކާތެރިވުމަކީ މެޓީރިއަލް ޑިގްރޭޝަން ހުއްޓުވައިދޭ ކަމެކެވެ. ގްރައުންޑް މޮއިސްޗަރ ކޮންޓެކްޓް ނުވުމަށް އަބަދުވެސް އެލިވޭޓެޑް ސަރފޭސްތަކުގައި ބަހައްޓާށެވެ.
