މާލޭގައި ފެންބޮޑުވެފައިވާތީ ބަރުވެހިކަލް ނުދުއްވުމަށް ފުލުހުން އެދެފިއެވެ.
އެކަން ހާމަކޮސް ފުލުހުން ކޮށްފައިވާ އިލްތިމާސްގައި ބުނެފައިވަނީ ބޯކޮށް ވާރޭވެހި މާލޭގެ މަގުތަކުގައި ފެންބޮޑުވެ، ބައެއް ގޭގެއަށް ފެން ވަނުމުގެ ހާދިސާތައް ހިނގަމުން ދާތީ، މަގުތަކުން ފެން ހިނދި އާންމު ހާލަތަށް މަގުތައް އަންނަންދެން، މަގުތަކަށް ކުނި ނުނެރުމަށާއި، ބަރު އުޅަނދުތަކާއި ހަތަރުފުރޮޅުލީ އުޅަނދު ޒަރޫރީ ބޭނުންތަކުގައި މެނުވީ ނުދުއްވުމަށް އެދޭ ކަމަށެވެ. އަދި މިފަދަ ކަންކަމުގައި ރައްޔިތުންގެ ފަރާތުން ލިބޭ އެއްބާރުލުމަށް ފުލުހުން ވަނީ ޝުކުރުވެސް އަދާކޮށްފައިވެ އެވެ.
މިއަހަރުގެ ޖެނުއަރީ 1 ވަނަ ދުވަހުންފެށިފގެން މުޅި ރާއްޖެއަށް ކުރަމުންދާ ވިއްސާރާގައި މާލެ ސަރަހަށްދަށް މެދުނުކެނޑި ކުރަމުންދާ ވިއްސާރާގައި މިއަދު މެންދުރުންފެށިގެން މެދުނުކެނޑި ބޯކޮށް ވާރޭވެހި މާލޭގެ މަގުތަކުގައި ފެންބޮޑުވެ އެއްގަމު ދަތުރުފަތުރަށް ވަނީ ބުރޫއަރާފައެވެ. އަދި ގެތަކަށް ފެންވަދެ އާއްމުންގެ މުދަލާ ތަކެއްޗަށް ދަނީ ގެއްލުން ވަމުންނެވެ.
ރާއްޖެއަށް ކުރަމުންދާ ވިއްސާރައާ ގުޅިގެން ބ. އަތޮޅުން ތ. އަތޮޅާއި ދެމެދުގެ ސަރަހައްދަށް މިރޭ 11 ގެ ނިޔަލަށް ވަނީ އޮރެންޖް އެލާޓް ނެރެފަ އެވެ.
