ލ.ގަމުގައި 100 ކޮޓަރީގެ ސިޓީހޮޓަލެއް ތަރައްގީކޮށް ހިންގުމަށްޓަކައި، ގަމު ކައުންސިލާއި ޔޯމަން އޭޖެންސީސް މޯލްޑިވްސް ޕްރައިވެޓް ލިމިޓެޑާ އެކު އެއްބަސްވުމުގައި ސޮއިކޮށްފައެވެ.
ލ.ގަމު މަތިވަރު ސަރަހައްދުގައި ތަރައްގީ ކުރާ 100 ކޮޓަރީގެ ސިޓީހޮޓަލުގެ އެއްބަސްވުމުގައި ގަމު ކައުންސިލްގެ ފަރާތުން ސޮއިކުރެއްވީ ކައުންސިލްގެ ރައީސް، އަހުމަދު ޒަކީ އެވެ. އަދި ޔޯމަންގެ ފަރާތުން ސޮއިކުރެއްވީ ކުންފުނީގެ ޖެނެރަލް މެނޭޖަރ، ޑެންބީ ސެއިންޓް ޖޯން ވިލިއަމްސް އެވެ.
މިނިވަން އަށް މައުލޫމާތު ލިބިފައިވާ ގޮތުގައި ޔޯނަމް ކުންފުނީގެ ފަރާތުން މިހާރުވެސް ލ.އަތޮޅުގައި ދަނީ ”މެވްރިކް ހޮޓެލް މޯލްޑިވްސް“ ގެ ނަމުގައި ޓޫރިސްޓް ހޮޓަލެއް ހިންގަމުންނެވެ. ލ.ގަމު ކައުންސިލާއެކު ސޮއިކުރެވުނު އެއްބަސްވުމުގެ ދަށުން ތަރައްގީކުރާ ސިޓީ ހޮޓާ ހިންގުމަށް ހަމަޖެހިފައިވަނީ ”ދަ ބޮހެމިއަން ހޮޓެލް“ ނަމުގައެވެ. މިއީ ގިނަ އަދަދެއްގެ ”ވޯޓާ ވިލާ“ ތަކެއްވެސް ހިމެނޭ ގޮތަށް ތަރައްގީ ކުރުމަށް ނިންމާފައިވާ ހޮޓެލަކެވެ.
