ހުޅުމާލެ2 ގައި ރޭ ހިންގި މާރާމާރީއެއްގައި މީހަކަށް ވަޅިން ހަމަލާދީ ޒަހަމްކޮށްލައިފި އެވެ.
ފުލުހުން ބުނީ ހުޅުމާލޭގެ ފޭސް ދޭއްގައި މީހަކަށް ތޫނު އެއްޗަކުން ހަމަލާދިން ކަމުގެ ރިޕޯޓެއް ލިބުނީ ރޭ މެންދަމުން އަލިވެ، 1:15 އެހާކަށް ހާއިރު ކަމަށާއި އެ ރިޕޯޓް ލިބުމާ އެކު ފުލުހުން އެ ސަރަހައްދަށް ގޮސް، ޒަހަމްވީ މީހާ ހޮސްޕިޓަލަށް ގެންގޮސްފައިވާ ކަމަށެވެ. ޒަހަމްވީ އުމުރުން 26 އަހަރުގެ ދިވެހި ފިރިހެނަކަށް ކަމަށް ވެސް ފުލުހުން ބުންޏެވެ.
ފުލުހުން މިހާރު އަންނަނީ އެ މައްސަލަ ތަހުގީގު ކުރަމުންނެވެ. އެ މައްސަލައިގެ އިތުރު ތަފްސީލެއް އަދި ނުލިބެ އެވެ.
މާލެ ސަރަހައްދުގައި މީހަކަށް ތޫނު އެއްޗަކުން ހަމަލާދީފައި މިވަނީ އެކަހަލަ ޖަރީމާއެއް ނުހިންގާތާ ދުވަސްކޮޅެއް ވުމަށް ފަހުގަ އެވެ.
