ހުޅުމާލޭ ފޭސް 2 ގެ ޕޮލިސްޓޭޝަން އަށް ގެއްލުން ދިން މީހަކު ހައްޔަރު ކޮށްފިއެވެ.
ފުލުހުންގެ މީޑިޔާ އޮފިޝަލަކު "މިނިވަން" ނޫހަށް ވިދާޅުވިގޮތުގައި ހުޅުމާލޭ ފޭސް 2 ގެ ޕޮލިސްޓޭޝަންގެ ބިއްލޫރި ގަނޑު ތަޅާލައި ގެއްލުންދިން މައްސަލާގައި 21 އަހަރުގެ ދިވެހި ފިރިހެނަކު ވަނީ ހައްޔަރު ކޮށްފައެވެ.
ފުލުހުން ބުނީ ބިއްލޫރިގަނޑު ތަޅާފައިވަނީ ގާބުރިޔެއް އެއްލައިގެން ކަމަށާއ،ި އެ ހާދިސާގައި އެވަގުތު ޕޮލިސް ސްޓޭޝަން ތެރޭގައި ހުރި ފުލުހަކަށް އަނިޔާ ވެފައިވާ ކަމަށެވެ. އަދި އެ ފުލުސް މީހާއަށް ވަނީ ހޮސްޕިޓަލުގައި ފަރުވާ ދިނުމަށް ފަހު ދޫކޮއްލާފަ ކަމަށް ވެސް ފުލުހުން ބުންޏެވެ.
މި މައްސަލަ ދަނީ އިތުރަށް ތަހުގީގު ކުރަމުން ކަމަށް ވެސް ފުލުހުން ބުންޏެވެ.
