ހިޔާ ފުލެޓުތަކުގައި ދިރިއުޅެމުން ގެންދާ ރައްޔިތުންނަށް ފޯރުކޮށްދޭ ހިދުމަތްތައް ރަނގަޅުކުރުމަށާއި އެ ފަރާތްތަކުގެ ހިޔާލު ހޯދުމަށް ސާރވޭއެއް ކުރުުމަށް އެޗްޑީސީ އިން ނިންމައިފި އެވެ.
އެޗްޑީސީން މިއަދު ބުނި ގޮތުގައި އެ ސާރވޭ ކުރުމަށް ހަމަޖެހިފައިވަނީ މާދަމާ އިން ފެށިގެން އަންނަ މާޗް މަހުގެ ހަ ވަނަ ދުވަހާ ހަމައަށެވެ. އެ ފުލެޓްތަކަށް ޒިޔާރަތްކޮށް، އޮންލައިން ފޯމެއް ފުރައިގެން ކުރިއަށް ގެންދާ ސާރވޭއެއް ކަމަށް ވެސް އެ ކޯޕަރޭޝަނުން ބުންޏެވެ.
ހިޔާ ފުލެޓުތަކުގައި ދިރިއުޅޭ ފަރާތްތަކުގެ ސަމާލުކަމަށް:
https://t.co/fkGh4lgVZu— HDC (@hdcmaldives) February 26, 2023
ސާވޭތައް ކުރާ ދުވަސްވަރު، ސާވޭޔަރުންގެ ނަމުގައި އޮޅުވާލައިގެން އެކިއެކިި ކުށްތައް ހިންގާކަން އެނގޭތީ އެކަމަށް ރިއާޔަތްކޮށް އެޗްޑީސީން ބުނީ އެ ސާރވޭގައި އާމްދަނީ، ހަރަދު، ކޭޝް ކާޑް އަދި ބޭންކް އެކައުންޓް ފަދަ އެއްވެސް މައުލޫމާތެއް ނާހާނެ ކަމަށެވެ. . އެ މަސައްކަތުގައި ބައިވެރިވާ މުވައްޒަފުން ތިބޭނީ އެ ކޯޕަރޭޝަންގެ މުވައްޒަފެއްކަން އަންގައިދޭ ކާޑު އަޅައިގެން ކަމަށް ވެސް އެ ކޯޕަރޭޝަނުން ބުންޏެވެ.
ސާރވޭ އާއި ގުޅިގެން އިތުރު މައުލޫމާތެއް ސާފު ކޮށްލަން ބޭނުންވެއްޖެނަމަ އެޗްޑީސީގެ ރަސްމީ ނަންބަރަށް ގުޅޭނެ ކަމަށާއި އެއްވެސް ޝަކުވާއެއްވާނަމަ އެ ކޯޕަރޭޝަންގެ ކޯލް ސެންޓަރ 1516 އަށް ގުޅަން އެދޭ ކަމަށް ވެސް ބުންޏެވެ.
ކިޔުންތެރިންގެ ޚިޔާލުތައް
ރައްޔިތުންދިރި އުޅެނީ ހިޔަާ ފުލެޓްގައި އެކަނިތަ.؟ދެން މި އުޅެނީ ރައްޔިތުންނެއް ނޫންތަ؟ ހުރިހާ ރައްޔިތުން ހަމަހަމަ ކުރޭ