މެދުރާއްޖެ ތެރެއަށް މޫސުން ގޯސްވެ ބޯކޮށް ވާރޭ ވެހޭނެ ކަމަށް މޫސުމާ ބެހޭ އިދާރާ މޯލްޑިވްސް މީޓިއޮރޮލޮޖީ ސާވިސް (މެޓް އޮފީހުން) ވައިޓް އެލާޓް ނެރެފިއެވެ.
މިއަދު 11:30 އިން ފެށިގެން ހަވޫރު 16:30 އަށް ވައިޓް އެލާޓް ނެރެފައިވަނީ ކ. އަތޮޅުން ގެށިގެން މ. އަތޮޅާ ހަމައަށެވެ.
White Alert for Heavy rain and thunderstorms. pic.twitter.com/lRZlncAUk9
— Maldives Meteorology (@MetMaldives) March 16, 2023
މެޓް އޮފީހުން ނެރުނު އެލާޓުގައި ވާ ގޮތުން މިސަރަހައްދަށް ބޯކޮށް ވާރޭ ވެހި ގުގުރާނެ ކަމަށް ލަފާކުރެވެ އެވެ. ސެޓަލައިޓް ރީޑިން ދައްކާ ގޮތުގައި މިސަރަހައްދަށް ވައި ގަދަވާނެ ކަމަކަށް ލަފައެއް ނުކުރެވެ އެވެ. ވިލާގަނޑުގައި ވައިޖެހޭނެ ކަމަށް ލަފާކުރެވެނީ 7 މޭލާ 9 މޭލުގެ ބާރުމިނުގަ އެވެ. އަދި މެދުރާއްޖެ ތެރޭގެ ކަނޑުތައް އާދައިގެ ވަރަކަށް ގަދަވާނެ ކަމަށް ސެޓަލައިޓް ރީޑިންތަކުން ދައްކައެވެ.
