ކ.ހިންމަފުށި ކައުންސިިލްގެ ދެ މެމްބަރަކު ޖުމްހޫރީ ޕާޓީ (ޖޭޕީ) އަށް މިއަދު ސޮއިކުރައްވައިފި އެވެ.
ޖޭޕީގެ އޮފިޝަލަކު މައުލޫމާތު ދެއްވި ގޮތުގައި އެ ދެމްބަރުން އެޕާޓީއަށް ސޮއިކުރެއްވީ އެޕާޓީގެ މައި އިދާރާ ކުނޫޒުގައި މިއަދު ބޭއްވި ރަސްމިއްޔާތެއްގަ އެވެ. އެ ރަސްމިއްޔާތުގައި ޖޭޕީގެ ލީޑަރު ގާސިމް އިބްރާހީމް ބައިވެރިވެވަޑައިގެންނެވި އެވެ.
ޖުމްހޫރީ ޕާޓީއަށް މެމްބަރުން އިތުރުކުރުމުގެ މަސައްކަތް އެޕާޓީން އަބަދުވެސް ކުރެ އެވެ. ރާއްޖޭގައި ތިން ވަނަ އަށް އެންމެ މެމްބަރުން ގިނަ އެޕާޓީގައި މިހާރު ވެސް 22،600 އަށް ވުރެ ގިނަ މެމްބަރުން އެބަތިއްބެވެ.
