ށ. ކޮމަންޑޫ އާއި މަތި ކޮމަންޑޫ ކޯޒްވޭއަކުން ގުޅާލުމަށް ކުރަންޖެހޭ ޖީއޯ ޓެކްނިކަލް ސާވޭ ކޮން ނިމިފައިވާ ކަމަށް އެމަސައްކަތާ ހަވާލު ވެފައިވާ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ބުނެފިއެވެ.
އެމްޓީސީސީއިން ބުނީ ޖީއޯ ސާވޭ ކޮށްނިމިފައިވާ ކަމަށާއި އަދި ސާވޭއިން ލިބިފައިވާ މައުލޫމާތުގެ އަލީގައި ކޯޒްވޭގެ ފައުންޑޭޝަންގެ މަސައްކަތަށް ތައްޔާތުވަމުން އަންނަ ކަމަށެވެ.
The geotechnical survey for the Sh. Komandoo Shore Protection Rectification and Mathi-Komandoo Connectivity Project has been completed. Based on the data collected, we are now preparing to commence the foundation works for the bridge.#MTCCProjects #RayyithungeKunfuni pic.twitter.com/jae6Gj8AAs
— MTCC Plc (@MTCCPlc) March 28, 2023
ދެ ކޮމަންޑޫ ގުޅައިލުމުގެ މަސައްކަތް ސަރުކާރުން އެމްޓީސީސީއާ ހަވާލުކުރީ ހަވާލުކޮށްފައިވަނީ 250 މިލިއަން ރުފިޔާއަށް 730 ދުވަސްތެރޭ ނިންމާ ގޮތަށެވެ.
ކޯޒްވޭއަކުން ދެކޮމަންޑޫ ގުޅައިލާނެކަން ސަރުކާރުން އިއުލާނު ކުރީ ރައްޔިތުންގެ މަޖިލީހުގެ ކޮމަންޑޫ ދާއިރާގެ މެމްބަރަކަށް ކުރިން ހުންނެވި ހުސައިން ވަހީދު އަވަހާރަވުމުން ބޭއްވި ބައި އިލެކްޝަނުގެ ކެމްޕޭނުގެ ތެރޭގަ އެވެ. އެހެން ނަމަވެސް އެމަނިކުފާނު އޭރު ވިދާޅުވީ އެއީ 2018 ވަނަ އަަހަރުގެ ރިޔާސީ އިންތިހާބުގެ ކެމްޕޭނުގައި ވެވަޑައިގެންނެވި ވައުދެއް ކަމާއި ކޮމަންޑޫ ދާއިރާގެ ބައި-އިލެކްޝަނާ އެ މަޝްރޫއާ ގުޅުމެއް ނެތް ކަމަށެވެ.
