ޔޫތު މިނިސްޓަރު އަހްމަދު މަހުލޫފުގެ މާމާފުޅު، ޒުލައިހާ ހުސައިން ( ކަނދި ދަލޭކާފުޅު ) މިއަދު އަވަހާރަވެއްޖެއެވެ.
އޭނާ އަވަހާރަވީ އުމުރުފުޅުން 86 އަހަރުގައެވެ.
މަހުލޫފު ކުރެއްވި ޓްވީޓެއްގައި މާމަ މިއަދު އަވަހާރަ ކަމަށް ވަނީީ ވިދާޅުވެފައެވެ.
" އަޅުގަނޑުގެ ލޯބިވާ މާމަ މިއަދުވަނީ ނިޔާވެފަ. މާމަގެ ފަރާތުން ލިބުނު ލޯތްބާއި އަޅާލުން ދުވަހަކު ހަނދާން ނުނެތޭނެ" މަހުލޫފް ވިދާޅުވިއެވެ.
އެ މަރުހޫމާގެ މައްޗައް ކުރެވޭ ކަށުނަމާދު އޮތީ މިއަދުގެ އަސުރު ނަމާދަށް ފަހު އާސަހަރާ މިސްކިތުގައެވެ. މި ކަށުނަމާދުގައި ވީހާ ވެސް ގިނަ ބަޔަކު ބައިވެރި ވުމަށް އާއިލާ އިން އެދެއެވެ.
