ހުޅުމާލެ ފޭސް 2ގެ ޖޭއެމްސީ ސައިޓު ކައިރީގައި އެކްސިޑެންޓެއް ހިނގައި އަނިޔާވި މީހެއްގެ ހާލު ސީރިއަސް ކަމަށް ފުލުހުން ބުނެފިއެވެ.
އެެ ސަރަހައްދުގައި އެކްސިޑެންޓެއް ހިނަގައިގެން އުޅޭކަމުގެ މައުލޫމާތު ލިބުނީ ރޭ ދަންވަރު 1:20 ހާ އިރު ކަމަށް ފުލުހުން ބުންޏެވެ.
ފުލުހުން ބުނި ގޮތުގައި ދެސައިކަލު ޖެހިގެން ހިނގި އެ އެކްސިޑެންޓްގައި އަނިޔާވީ 19 އަހަރުގެ ފިރިހެނަކަށާއި 56 އަހަރުގެ ފިރިހެނަކަށެވެ.. އޭގެ ތެރެއިން 56 އަހަރުގެ މީހާގެ ހާލު ސީިރިއަސް ކަމުގައި ފުލުހުން ބުންޏެވެ.
އަނިޔާވި ދެމީހުންނަށް ހުޅުމާލެ ހޮސްޕިޓަލުގައި ފަރުވާ ދިނުމަށްފަހު މިހާރު ދަނީ އޭޑީކޭގައި ފަރުވާދެމުންނެވެ.
