މިއަހަރުގެ ފުރަތަަމަ ދައުރު ނިއްމާ، މާދަމާ މަޖިލިސް ޗުއްޓީއަށް ދާނެކަމަށް މަޖްލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
މިއަހަރުގެ ފުރަތަމަ ދައުރުގެ ފަހު ޖަލްސާއަށްފަހު މާދަމާ މެންދުރު 12 ގައި މިދައުރު ނިމޭނެކަމަށް މިއަދުގެ ޖަލްސާގައި ރައީސް ނަޝިދު ވިދާޅުވިއެވެ.
"މާދަމާއަކީ އިރާދަކުރެއްވިއްޔާ މަޖިލިސް ޗުއްޓީއަށްދާ ދުވަސް. އަޅުގަނޑު ގަސްތުކުރަނީ މާދަމާ މެންދުރު 12 ޖަހާއިރު މަޖިލިސް ނިންމަން. މާދަމާއަކީ މި ދައުރުގެ އެންމެ ފަހު ބުރާސްފަތި،" ރައީސް ނަޝީދު ވިދާޅުވި އެވެ.
މަޖްލިސް ދެހަފްތާއަށް ޗުއްޓީއަށްދާއިރު، ޕްލާސްޓިކް ކޮތަޅުން ނަގާ ފީއާ ބެހޭ މައްސަލަ ވަނީ ބޮޑުވެފައެވެ. އަދި މިއަދުގެ ޖަލްސާގައި ޕްލޭނިން މިނިސްޓްރު މުހައްމަދު އަސްލަމް ވަނީ ސޯޝަލް ހައުސިން އާ ގުޅޭ ސުވާލުތަކަށް ޖަވާބުދެއްވާފައެވެ.
