މޯލްޑިވްސް މީޑިއާ ކައުންސިލް (އެމްއެމްސީ)އަށް މިއަދު ތިން މެމްބަރަކު އިންތިހާބުކޮށްފިއެވެ.
މިއަދު ހެނދުނު ވަނީ އެމްއެމްސީގެ މެމްބަރުން ހޮވުމުގެ އިންތިހާބު ބާއްވާފައެވެ. އަދި މީޑިއާތައް ތަމްސީލު ކުރާ މެންބަރަކާއި އާންމުންގެ ތެރެއިން ދެ މެންބަރަކު ހޮވިފައިވެއެވެ.
އެ އިންތިހާބުގައި މީޑިއާތަކުގެ ފަރާތުން ދެ މީހަކު ކުރިމަތިލާފައިވާއިރު، އާއްމު މެމްބަރުކަމަށް ވަނީ ހަތަރު މީހަކު ކުރިމަތިލާފައެވެ. އެގޮތުން އެމްއެމްސީއަށް އިންތިހާބުވީ:
- މީޑިއާތަކުގެ ފަރާތުން ހަބަރު އޮންލައިންގެ އާދަމް އަލީ: 64 ވޯޓު
- އާންމުންގެ ފަރާތުން ޖައިލަމް ތައުފީގް، ބަސަރީ ހިޔާ، ފ.ބިލެތްދޫ: 49 ވޯޓު
- އާއްމުންގެ ފަރާތުން އަލީ އިސްމާއީލް، ރޯޝަނީގެ، ފ.ދަރަނބޫދޫ: 43 ވޯޓު
މޯލްޑިވްސް މީޑިއާ ކައުންސިލްގެ މެންބަރުންގެ ދައުރުގެ މުއްދަތަކީ ދެ އަހަރު ދުވަހެވެ.
