މަތިވެރި ދާއިރާގެ މެމްބަރު ހަސަން ޒަރީރަށް މިއަދު ހެނދުނު ތޫނުއެއްޗަކުން ހަމަލާދީފިއެވެ.
ފުލުހުން ބުނީ، 'ހަބީބީ ކެފޭ އެންޑް ބިސްޓްރްރޯ' ގައި އެމްޕީ ހަސަން ޒަރީރު އިންނަވަނިކޮށް، އޭނާއަށް ތޫނުއެއްޗަކުން ހަމަލާދީފައިވާކަމަށް މިއަދު ހެނދުނު 5:08 ގައި ފުލުހުންނަށް ރިޕޯޓްކޮށްފައިވާކަމަށެވެ.
ފުލުހުން ބުނީ، ޒަރީރަށް ހަމަލާ ދީފައިވަނީ، ނުރައްކާތެރި ހަތިޔާރެއްކަމަށް ބެލެވިދާނެ އެއްޗެއް ބޭނުންކޮށްގެން ކަމަށެވެ.
މި މާރާމާރީ އާ ގުޅިގެން ހަސަން ޒަރީރަށް އޭޑީކޭގައި ފަރުވާދެމުން އަންނަކަމަށް ވެސް ފުހުލުން ބުންޏެވެ.
މިމައްސަލަ މިހާރު ފުލުހުން ދަނީ ތަހުގީގު ކުރަމުން ނެވެ.
