ތ. ދިޔަމިގިއްޔަށް ދަތުރު ކުރަމުން ދަނިކޮށް ފަރަށް އަރާ ދިޔަވި ދޯނީގައި ތިބި މީހުން ސަލާމަތްކޮށްފި އެވެ.
އެމްއެންޑީއެފްއިން ބުނީ ހަތަރު ދިވެހިންނާއެކު ތ. ދިޔަމިގިއްޔަށް ދަތުރުކުރި "މާކުރީ 7″ ދޯނި ތ. ވިލިފުށީގެ ހުޅަނގު އުތުރުން 6 މޭލު ބޭރުން ދިޔަވެ އަޑިއަށްދާކަމުގެ މައުލޫމާތު ލިބުނީ މިއަދު ހެނދުނު 10:00 ޖަހާއިރު ކަމަށެވެ.
އެމްއެންޑީއެފްގެ ކޯސްޓްގާޑުން ވަނީ މާކުރީ 7 ދޯންޏައް ކައިރިކޮށް އޭގައި ތިބި މީހުން މިހާރު ސަލާމަތް ކޮށްފައި ކަމަށާއި ހުރިހާ ފަޅުވެރިން ހާލު ރަނގަޅު ކަމަށް އެމްއެންޑީއެފްއިން ބުންޏެވެ.
މިދުވަސް ވަރަކީ ވިއްސާރަ ދުވަސްވަރަަކަށް ވުމުން ކަނޑުމަތީގެ ދަތުރުފަތުރު ކުރުމުގައި ސަމާލުވުމަށް ވަނީ އަންގާފައެވެ.
