އިށީނދެ އިންނަ ގޮތުގެ ސަބަބުން ތިމާގެ ޝަޚްޞިއްޔަތު އެހެން މީހުންނަށް ފެންނާނެކަން އެނގޭ ހެއްޔެވެ؟ އިށީނދެ އިންނައިރު ދެފައި ހުރަސްކުރާ ގޮތް ނުވަތަ ފައިމަތީ އަތް އަޅާ ގޮތުގެ ސަބަބުން ތިމާގެ ސަޙްސިއްޔަތު އަނެކާއަކަށް ވަރަށް ސާފުކޮށް ވަޒަން ކޮށްލެވިދާނެއެވެ.
އިނީނދެއިންނައިރު ދެފައި ފުޅާކޮށްގެންއިނުން
މިމީހުންނަށް އެއްތަނެއްގައި ގިނައިރު މަޑުކޮށްލައިގެން އިންނަން ނުވަތަ އެއްކަމަކަށް ސަމާލުކަންދީގެން ގިނަވަގުތު ހޭދަކުރަން ދަތިވާނެއެވެ. އަދި އެފަދަ މީހުން ވާހަކަދެއްކުމުގެ ކުރިން މާބޮޑަށް ދައްކަންބޭނުންވާ ވާހަކަތަކާމެދު ނުވިސްނާނެއެވެ. އެހެންކަމުން އިށީނދެގެން އިންނައިރު ދެފައި ފުޅާކޮށް ފަތުރާ މީހެއްގެ ކައިރީގައި އިށީނދެ އިނުމަކީ ބައެއް ފަހަރު އުނދަގޫ ކަމަކަށް ވެސް ވެދާނެ އެވެ.
ދެފައިގެ ކުޑަހުޅު ޖައްސައިގެން އިށީނދެ އިނުން
އިށީނދެގެން އިންނައިރު ތަންކޮޅެއް ސޯފިސްޓިކޭޓެޑް ކޮށް ފެންނާނެ އެއް ގޮތަކީ ކުޑަހުޅު ހުރަސްކޮށްގެން އިނުމެވެ. މިގޮތަށް އިންނަ މީހުން ފާހަގަކުރެވެނީ މަޑުމައިތި ހިތްހެޔޮ ސަޙްސިއްޔަތެއްގެވެރި ބައެއްގެ ގޮތުގައެވެ. މިގޮތަށް އިށީނދެ އިންނަވަގުތު ހަމަޖެހުމާއި މަޑުމައިތިރިކަން އަމިއްލަ ނަފްސާއި ވަށައިގެންވާ މީހުންނަށް ފާހަގަކުރެވި އެކަމުގެ ސަބަބުން ހިތްހަމަޖެހުން ލިބެ އެވެ. ޝާހީ ޢާއިލާގެ ބޭފުޅުން ޢާންމުގޮތެއްގައި މިގޮތަށް ތިއްބަވާކަން ފާހަގަކުރެވިދާނެއެވެ.
ދެފައިވަށްކޮށްގެން އިށީނދެ އިނުން
މި ގޮތަށް އިށީނދެތިބޭތިބުމުން ފާހަގަކުރެވެނީ އޯޕަން ވިސްނުމާއި ފްލެކްސިބަލިޓީ އެވެ. ޔޯގާ ނުވަތަ މެޑިޓޭޝަން ޕްރެކްޓިސް ކުރާ މީހުން ޕްރެކްޓިސް ނުކުރާ އިރު ދެފައިވަށްކޮށްގެން އިށީނދެ އިންނަން އިސްކަންދެނީ އެ ގޮތަށް އިށީނދެތިބޭ މީހުންނަކީ ކަންކަމާ މަޝްވަރާކުރުމުގައި ނުވަތަ އަޑުއެހުމުގައި ސަމާލުކަންދެވޭ ޕްޒިޝަނަކަށްވާތީއެވެ. ދެފައިވަށްކޮށްގެން ތިބޭއިރު، އެއީ ހުޅުވާލެވިފައިވާ ވިސްނުމެއްގައި، އާ ޚިޔާލުތައް އަޑުއަހަން ބޭނުންވާ ބައެއްގެ ގޮތުގައި މާނަކުރެވިދާނެއެވެ. މި ޕޮޒިޝަނަކީ ނަފްސާނީ ގޮތުން ވެސް ފްލެކްސިބަލް ޕޮޒިޝަނެކެވެ.
އުނގުގައި ދެއަތް ބާއްވާލައިގެންއިނުން
އުނގުގައި ދެ އަތް ވަކިން ބާއްވާލައިގެން އިންނަ އިނުމުން ފާހަގަކުރެވެނީ އެހެން މީހުންނަށް ނަމޫނާ ދެއްކުމާއި އެހެން މީހުންނަށް އިސްކަންދިނުމެވެ. އެފަދަ މީހުން ވަރަށް މަދުން ނޫނީ ދެރަވެ އިހުސާސްތައް ބޭރުނުކުރާނެއެވެ އެހެންކަމުން އެމީހުން ފާހަގަކުރެވޭނީއެކުގައި އުޅެން ފަސޭހަ މަޑުމައިތިރިކަމާއި އޯގާތެރިކަން އިސްކުރާ ބައެއްގެ ގޮތުގައެވެ.
އިށީންނަން އިޚްތިޔާރުކުރާ ތަނަކީ ތިބާގެ ޝަޚްޞިއްޔަތަށް އިޝާރާތެއް ކަމުގައި ވެދާނެ
ހުސް ބެންޗެއް ކައުޗެއް، ނުވަތަ އެނޫންވެސް އިށީނދެތިބޭ ތަނެއްގައި މީހަކު އިށީނދެ އިންނަން ހިޔާރުކުރާ ތަނުގެ ގޮތުން އެމީހާގެ ޕާސަނަލަޓީ ދެނެގަނެވިދާނެއެވެ. މިގޮތުން މި ފަދަ ތަނެއްގެ މެދުގައި އިށީނދެ އިންނަނަމަ އެމީހަކީ ވަރަށް ކޮންފިޑެންޓް މީހެއްކަމުގައި ބެލެވިދާނެއެވެ. އިންޓްރޯވާޓް ނުވަތަ ލަދުވެތި މީހުން އެފދަަ ތަނެއްގައި އިށީނުމަށް ހިޔާރުކުރާނީ އެކޮޅެވެ. ސަބަބަކީ އެފަދަ މީހުންނަކީ މީހުންނާއި ބީރައްޓެހި ބަޔަކަށްވާތީ އެމީހުންގެ ދެފަރާތުގައި މީހުންތިބޭނަމަ އުނދަގޫ އިހްސާސްކުރެވޭނެތީއެވެ. ނަމަވެސް މެދުގައި އިށީންނަ މީހުންނަކީ ހިތްވަރުގަދަ އަދި ފަސޭހައިން ރައްޓެހިން ހޯދާބައެކެވެ.
އަތްއުރާލައިގެން އިނުން
އާންމުގޮތެއްގައި އިށީނދެތިބޭއިރު އަތްއުރާލައިގެން ތިބޭ މީހުންނަކީ ވަރަށް ވަރުގަދަ، ތަންކޮޅެއް ޑިފެންސިވް އަދި ކޮންފިޑެންސް މީހުން ކަމަށް ބެލެވެ އެވެ. އަދި ބައެއްފަހަރު އެގޮތަށް ތިބެނީ އެމީހުންނަށް ކޮންމެވެސް ވަރެއްގެ ހިމާޔަތެއް ނުވަތަ ރައްކާތެރިކަމެއް ބޭނުންވާކަމަށް ހީކުރެވި، އެމީހުންގެ ހަށިގަނޑު ހިމާޔަތް ކުރަމަށްކަމަށްވެސް ވެދާނެއެވެ. ނަމަވެސް އާއްމުގޮރތެއްގައި މިގޮތަށް ތިބޭ މީހުންގެ ޝަޚްޞިއްޔަތުގެ އެހެން ސިފަތަކުގެ ތެރޭގައި ވިސްނުންތެރިކަމާއި ސީރިއަސް އަދި އެނަލިޓިކަލް ވުން ހިމެނެއެވެ.
ކަކޫމައްޗަށްތިރިވެ އިނުން
ބަލަހައްޓާ މީހުން ނަކީ އާންމުގޮތެއްގައި ކަކޫ މައްޗަށް ތިރިވާ މީހުންނެވެ. ކަކޫ މައްޗަށް ތިރިވެ ލައިގެން ތިބުމަކީ އެހާ ފަސޭހަ ކަމެއް ނޫންނެވެ. ނަމަވެސް އާންމުގޮތެއްގައި މިގޮތަށް ތިބެނީ އެހީތެރިކަން ފޯރުކޮށްދިނުމުގެ ސިފަތަކާ އެކުގަ އެވެ. އާއްމުކޮށް އެ ގޮތަށް އިށީންނަ މީހުންނަކީ ޢާންމުގޮތެއްގައި ޤުދުރަތީ ގޮތުން އުފަން ލީޑަރުންނާއި، މަޖާ، އަދި ބޮޑެތި މައްސަލަތައް ޙައްލުކުރާ މީހުންނެވެ.
އިށީނދެއިންނައިރު ދެ އަތް ޖޯޑްކޮށްގެން އިނުން
ގަދަޔަށް ދެއަތުން ހިފަހައްޓާލައިގެން އިންނަމީހަކީ ކަންބޮޑުވުމެއްގެ ތެރޭގައި އިންނަ މީހެއްކަމަށް ބެލެވިދާނެއެވެ. ނަމަވެސް އެނޫންވެސް އިތުރު ސަބަބުތައްވެސް ހުރެދާނެއެވެ. ހަގީގަތުގައި އެއިން އިޝާރާތް ކުރަނީ އެމީހަކީ ވަރަށް ބޮޑުކަމަކާ ވިސްނާ ނުވަތަ ކަމަކާމެދު ހިތާމައެއްކުރާ މީހެއް ކަމެވެ. ގުދުރަތީ ގޮތުން މިބާވަތުގެ މީހުންނަށް މީހުންގެ ޝައުގުވެރިކަން ލިބެއެވެ. އެކަމުގެ ސިއްރަކީ އެފަދަ މީހުންނަކީ ގުދުރަތީ ގޮތުން އިތުބާރު ކުރެވޭ ޖަޒްބާތީ އަދި މަޖާ ބަޔަކަށްވާތީއެވެ.
ލެނގިލައިގެން އިނުން
ލެނގިލައިގެން ރިލެކްސް ކޮށް އިންނަ ގިނަ ފަހަރު އިށީނދެ އިންނަ މާހައުލު ނޫން ދުނިޔޭގެ އެހެން ކޮންމެވެސް ކަމަކާމެދު ފުންކޮށް ވިސްނާލެވެއެވެ، އެފަދަ ވިސްނުންތެރެއަށް ގެނބިގެންދާން ފަސޭހަ އަދި އެހެން މީހުންގެ އިހްސާސްތައް އަމިއްލަ ނަފްސަށް އިހްސާސް ކުރެއެވެ. އަދި ކަންކަމުގެ ހައްލު ހޯދުމުގައި އެނަލެޓިކް ވިސްނުމުގެ ބައެކެ.
ކްރިއޭޓިވް ވިސްނުމުގެ މީހުން ގިނައި އިށީނދެތިބޭ ސިޓިންގ ޕޮޒިޝަންތައް
ކަކުލުގައި ހިފަހައްޓައިގެން އިށީނދެފައި އެކަކު އަނެކަކާ ދިމާލަށް ދެފައި ކުރިމަތިލާނީ އާންމުގޮތެއްގައި އުފެއްދުންތެރި އަދި ކެރިސްމެޓިކް މީހެކެވެ. އެ މީހުންނަކީ އަމިއްލަ ނަފްސަށް ލޯބިކުރާ ޝަހުސިއްޔަތެއް ކަމަށް ބެލެވިދާނެއެވެ. އާންމުގޮތެއްގައި މި މީހުންނަށް އުނދަގޫތަކެއް ކުރިމަތިވާ އިރު، އެމީހުންނަކީ އެކަމުން އަރައިގަންނަން އެނގޭ އަވަސް ވިސްނުންތެރިންނެވެ. މި ސިޓިންގ ޕޮޒިޝަނުން ރަމްޒުކޮށްދެނީ މަގްބޫލުކަމާއި އެޑްވެންޗާ އާއި އެކުވެރިކަމެވެ.
އިށީނމދެ އިންނައިރު ހުއްޓުމެއް ނެތި ފައި ތަޅުވާ ނުވަތަ ބައުންސްކޮށްގެން ދެފައި ތިރިކޮށްލައިގެން ތިބޭ މީހުންނަކީ ކަންކަމުގައި އިތުބާރުކުރެވޭ އަދި ޕްރެޝަރުގައި ހަމަހިމޭންވެ، އަބަދުވެސް ތަފްސީލަށް ސަމާލުކަންދީ، އެހެން މީހުންނަށް ވިސްނައިދިނުމުގައި މޮޅު ބައެކެވެ.
ދެފައި ހުރަސްކޮށް، ފައިހަރަކާތް ނުކޮށްތިބޭ މީހުންނަކީ ކޮންމެވެސް ފޮނި ހިޔާލެއްގައި ތިބޭ ބަޔަކަށްވެދާނެއެވެ. މިފަދަ މީހުންނަކީ ޑޭ ޑްރީމް ކުރާ އަދި ވާހަކަ ދެއްކުމުގައި މޮޅު ބައެކެވެ. ނަމަވެސް މިފަދަ މީހުންނަކީ އޯގާތެރި، ވާހަކަ ދެއްކުމުގައި މުޙާތަބްކުރާ މީހާއާއި ލޮލާއި ލޯ ދިމާކުރާ ، އަޑުއެހުމުގައި ޤާބިލް އަދި އަމިއްލަ ނަފްސަށް ވަރަށްބޮޑަށް އިތުބާރުކުރާބައެކެވެ.
ސައިޑްސޭޑަލް ޕޮޒިޝަން
ދެކަކޫ އެއްފަރާތުގައި ބަހައްޓައިގެން އިންނަ މީހުންނަކީ ނާޒުކު، ސާދާ އޯގާތެރި އަދި މީހުންގެ ހިތަ ދަމައިގަންނަ ޕޮޒިޝަންއެކެވެ. އަދި ސައިޑްސެޑަލް އަކީ ތަންކޮޅެއް ފްލަރޓްކޮށް، ކުރިމަތީ އިންނަ ބައިވެރިޔާއަށް ޝައުގުވެރިވާ ކަމުގެ ސިގްނަލް ފޮނުވައިދޭ ޕޮޒިޝަނެކެވެ.
އުނގުމަތިގައި ދެއަތް ޖޯޑްކޮށްލައިގެން އިނުން
މީހެއްގެ ޝަޚްޞިއްޔަތު ދެނެގަތުމަށް އެންމެ ފަސޭހަ އެއް ގޮތަކީ އެމީހަކު އިށީނދެގެން އިންނައިރު އުނގުގައި އަތް ޖޯޑުކޮށްލާތޯ ބެލުމެވެ. ޤަވާއިދުން އުނގުގައި ދެއަތް ޖޯޑުކުރާ މީހާ އަކީ އޯގާތެރި، ހަމަހިމޭން މީހެކެވެ. މިފަދަ މީހުންނަކީ ވަރަށް އިންޓްރޯވާޓް އަދި އެމީހުންގެ އެކަނިވެރި ވަގުތުދެކެ ލޯބިވާ ބައެއް ނަމަވެސް ދުނިޔެއާއި، އެހެން މީހުންނާ މެދު ވެސް ވަރަށް ޝައުގުވެރިވާބައެކެވެ. އެމީހުން މާގިނަ ވާހަކައެއް ނުދެއްކިނަމަވެސް ވާހަކަ ދައްކާއިރު އަނެކުން ދައްކާވާހަކަ އަޑުއަހާނެކަން ޔަޤީންކުރާށެވެ.
