މިދިޔަ ހަފްތާ އަންގާރަ ދުވަހު، ހުޅުމާލޭ ދެވަނަ ފިޔަވަހީގައި ޕިކަޕަކާއި ކާރެއް ޖެހި ހިނގި އެކްސިޑެންޓުގައި އަނިޔާވި 20 އަހަރުގެ ޒުވާނާ ރޭ މަރުވެއްޖެ އެވެ.
އެ އެކްސިޑެންޓް ހިނގީ މިދިޔަ އަންގާރަ ދުވަހުގެ ހަވީރު 3:17 ހާއިރު އެވެ. އެކްސިޑެންޓްގައި އަހުމަދު ޒައިން، ވަޒަން، ހދ. ނެއްލައިދޫ، އަށް ސީރިއަސް އަނިޔާތަކެއް ލިބިގެން ވެންޓިލޭޓަރުގައި ފަރުވާދެމުން އަންނަތާ ހަފްތާއަކަށް ވުރެ ގިނަ ދުވަސް ވަނީ ވެފަ އެވެ.
ރޭގެ ވަގުތެއްގައި އޭނާ މަރުވީ އައިޖީ އެމްއެޗްގައި ފަރުވާދެމުން ދަނިކޮށެވެ. ފުރަތަމަ އޭނާ އަށް ފަރިޥާ ދިނީ ހުޅުމާލެ ހޮސްޕިޓަލުންނެވެ. އައިޖީއެމްއެޗަށް ބަދަލުކޮށް ފަރުވާދޭން ފެށިއިރު ވެސް ހާލު ސީރިއަސް ކަމަށް އެ ހޮސްޕިޓަލުން ވަނީ ބުނެފަ އެވެ.
