މަސްތުވާތަކެތީގެ މައްސަލައެއްގައި ގއ. ދާންދޫ ޕޮލިސް ސްޓޭޝަނުން ބަންދުކޮށްފައި ހުރި މީހަކު ފިލައިފިއެވެ.
ފުލުހުން ބުނީ، މަސްތުވާތަކެތީގެ މައްސަލައެއްގައި ދާންދޫ ޕޮސިލް ސްޓޭޝަނަށް ހާޒިރުކޮށްފައި ހުރި މީހަކު ރޭ 12:30 ހާއިރު ފިލާފައިވާތީ އެމީހާ ހޯދުމުގެ މަސައްކަތް ފުލުހުން ކުރަމުންގެންދާ ކަމުގައެވެ.
އެނގިފައިވާ ގޮތުގައި އޭނާ ހައްޔަރުކުރީ މަސްތުވާތަކެއްޗާ ވެސް އެކުގައެވެ.
ދާންދޫ ކައުންސިލުން ބުނިގޮތުގައި މިއީ އެމީހާ މިގޮތަށް ފިލާފައިވާ ތިން ވަނަ ފަހަރެވެ.
އެމީހާ އަކީ ވައްކަމާއި މަސްތުވާތަކެތި ބޭނުންކުރުމުގެ މައްސަލަތަކުގައި މީގެ ކުރިން ވެސް އެތައް ފަހަރަކު ތުހުމަތުކުރެވި އަދި ބަންދު ވެސް ކުރެވިފައިވާ މީހެކެވެ.