ފުލުހުންގެ ބަންދުގައި ހުއްޓައި ގއ. ދާންދޫ އިން ފިލި މީހާ ހޯދައިފިއެވެ.
ފުލުހުން ބުނީ ދާންދޫ ޕޮލިސް ސްޓޭޝަންގެ ބެލުމުގެ ދަށުގައި ހުރި އެ މީހާ ފިލި ކަމުގެ މައުލޫމާތު ލިބުނީ ރޭ ދަންވަރު 12:57 ގައި ކަމަށެވެ.
އެމީހާ އަކީ މަސްތުވާތަކެތީގެ މައްސަލައެއްގައި ހައްޔަރުކޮށްފައި ހުރި 49 އަހަރުގެ ދިވެހި ފިރިހެނެކެވެ.
އެނގިފައިވާ ގޮތުގައި އޭނާ ހައްޔަރުކުރީ މަސްތުވާތަކެއްޗާ ވެސް އެކުގައެވެ.
ދާންދޫ ކައުންސިލްއިން ބުނިގޮތުގައި އޭނާ ފެނިފައިވަނީ އޮޑިހަރުގެއެއް ތެރޭގައި ބަންނަމުންދިޔަ ދޯންޏެއްގެ ތެރޭގައި ފިލާ އޮއްވަ އެވެ.
ދާންދޫ ކައުންސިލުން ބުނިގޮތުގައި މިއީ އެމީހާ ބަންދުކުރުމުން ފިލާފައިވާ ތިން ވަނަ ފަހަރެވެ.
އެމީހާ އަކީ ވައްކަމާއި މަސްތުވާތަކެތި ބޭނުންކުރުމުގެ މައްސަލަތަކުގައި މީގެ ކުރިން ވެސް އެތައް ފަހަރަކު ތުހުމަތުކުރެވި އަދި ބަންދު ވެސް ކުރެވިފައިވާ މީހެކެވެ.
