ހުޅުމާލެއިން ގެއްލިގެން ހޯދި ކުޑަކުއްޖާ ފެނިއްޖެ ކަމަށް ފުލުހުން ބުނެފި އެވެ.
ފުލުހުން ބުނީ ހުޅުމާލެ އިން ކުޑަކުއްޖަކު ވީނުވީ ތަނެއް ނޭނގިގެން އާއިލާއިން ފުލުހުންނަށް ރިޕޯޓްކޮށްފައި ވަނީ އިއްޔެ ރޭގައި ކަމަށާއި ގެއްލިގެން ހޯދަމުން ދިޔައީ ޅ. ކުރެންދޫ / ހުދުފަޅު، އުމުރުން 17 އަހަރުގެ އަބްދުއްނާފިއު އިބްރާހިމް ކަމަށެވެ.
މިނިވަން" އަށް މައުލޫމާތު ދެމުން ފުލުހުންގެ މީޑިއާ އޮފިޝަލް ވިދާޅުވީ، މިރޭގެ ވަގުތެއްގައި ނާފިއު ފެނިފައިވާ ކަމަށެވެ.
ނާފިއު ފެނުނީ މިރޭ އަމިއްލަޔަށް އޭނާ ދިރިއުޅޭގެއަށް އައުމުން ކަމަށާއި އައި އިރު އޭނާގެ ހާލު ރަނގަޅު ކަމަށް ވެސް އޮފިޝަލް ވިދާޅުވިއެވެ.
