މިއަހަރު ކުރިޔަށް އިތް ބޮޑު އީދަށް މާލެ ސިޓީ ކައުންސިލުން 100 ބަކަރި ކަތިލާން ނިންމާފިއެވެ.
މިއަހަރު އުލްހިޔާ ކަތިލުން ކުރިއަށް ގެންދަން ބޭނުންވަނީ ހެޔޮއެދޭ، ވީހާވެސް ގިނަ ބަޔަކު ބައިވެރިކޮށްގެން ވަރަށް ފުޅާކޮށް ކަމަށް މާލެ ސިޓީ ކައުންސިލްގެ އިއްޔެގެ ބައްދަލުވުމުގައި މާލޭގެ މޭޔަރު ޑރ. މުހައްމަދު މުއިއްޒު ވިދާޅުވިއެވެ.
ބަކަރި ކަތިލުމަށްފަހު ބަކަރި މަސް ހިލޭ އާންމުންނަށް ބެހުމަށް މާލެ ސިޓީ ކައުންސިލުން ވަނީ ނިންމާފައެވެ.
މާލެ ސިޓީ ކައުންސިލުން ވަނީ މިދިޔަ އަހަރު ވެސް އުރީދޫ މޯލްޑިވްސްއާ ގުޅިގެން އުލްހިޔާ ކަތިލާފައެވެ.
