އައްޑޫސިޓީގައި ތޫނު އެއްޗަކުން ހަމަލާދީ މީހަކު ޒަހަމް ކޮށްލައިފިއެވެ.
މަންޒަރު ދުށް ފަރާތަކުން "މިނިވަން" އަށް މައުލޫމާތު ދެމުން ބުނީ ވަޅިހަރާފައި ވަނީ ކޮއްކޮ އަކު އޭނާގެ ބޭބެ ގަޔަށް ކަމަށެވެ.
ކޮއްކޮވަނީ ބޭބެގެ ހަށިގަނޑުގެ އެތައް ތަނަކަށް ވަޅިން ހަމަލާދީ ބޮޑެތި ޒަހަމް ތަކެއް ކޮށްފައި ކަމަށް ވެސް އޭނާ ބުންޏެވެ.
މީގެ އިތުރުން މަންޒަރު ދުށް ފަރާތުން ބުނީ، އަނިޔާ ލިބުނު މީހާއަށް ފަރުވާ ދިނުމަށް އައްޑޫ ސިޓީ ހިތަދޫގައި ހުންނަ އިކުއަޓޯރިއަލް ހޮސްޕިޓަލް އަށް ގެންދެވިފައިވާ ކަމަށެވެ.
މި މާރާމާރީ ހިނގަން މެދުވެރިވީ މަަސްތުވާތަކެތީގެ މައްސަލައަކާ ގުޅިގެން ކަމަށް މައުލޫމާތު ލިބެއެވެ.
މިމާރާމާރީ އާއި ގުޅިގެން ފުލުހުންގެ ބަހެއް ވެސް އަދި ލިބިފައެއް ނުވެއެވެ.
