މާލޭ ސަރަހައްުގައި އިލެކްޓްރިކް ވެހިކަލް (އީވީ) ބަސްތަކުގެ ޗާޖިން ސްޓޭޝަން ގާއިމްކޮށްފިއެވެ.
މިޗާޖިން ސްޓޭޝަންތައް ހެދީ ޖަޕާން ސަރުކާރުގެ އެހީތެރިކަމާއެކުގައެވެ.
މާލޭގައި ހުންނަ ހުޅުމާލެ ޓާމިނަލްގައި ގާއިމްކުރެއްވި ޗާޖިން ސްޓޭޝަން ރަސްމީކޮށް ހުޅުވައިދެއްވީ, މިނިސްޓަރ އޮފް ޓްރާންސްޕޯޓް އެންޑް ސިވިލް އޭވިއޭޝަން އާއިޝަތު ނަހުލާއާއި، ޖަޕާނުން ރާއްޖެއަށް ކަނޑައަޅުއްވާފައި ހުންނަވާ ސަފީރު ޓަކިއުޗީ މިޑޯރީއާއި، ޔޫއެންީޕީގެ ރާއްޖޭގެ ރެޕްރެޒެންޓޭޓިވް އެންރިކޯ ގަވެގްލިއާގެ އިތުރުން އެމްޓީސީސީގެ ސީއީއޯ އާދަމް އާޒިމެވެ.
The United Nations Development Programme @UNDPMaldives @UNDP, Embassy of Japan @JapaninMaldives and the Ministry in partnership with @MTCCPlc, jointly inaugurated the charging stations for the electric (EV) minibuses for use in public transport in the Greater Maale Region. (1/3) pic.twitter.com/HZzDt3f1Yl
— Ministry of Transport and Civil Aviation (@MoTCAmv) June 1, 2023
އެ ރަސްމިއްޔާތުގައި މިނިސްޓަރު ނަހުލާ ވިދާޅުވީ، މިއީ ދިވެހިރާއްޖެ ނެޓް ޒީރޯ ގައުމަކަށް ހެދުމަށް ސަރުކާރުން ހިފާފައިވާ އަމާޒު ހާސިލުކުރުމުގައި ކާމިޔާބުވި މުހިންމު ލަނޑުދަނޑިއެއްކަމަށެވެ.
"ދަތުރުފަތުރުގެ ދާއިރާއަކީ ތިމާވެއްޓާއި ރައްޓެހި ދެމެހެއްޓެނިވި ދާއިރާއަކަށް ހެދުން މުހިންމު. މިލަނޑުދަނޑިއަށް މަސައްކަތްކުރެވޭނީ ސަރުކާރާއި އަމިއްލަ ފަރާތްތަކުގެ އެއްބާރުލުމާއެކު. އެހެންކަމުން މިއަދު މި ކުރެވުނު މަސައްކަތަކީ އޭގެ މުހިންމު އެއް މަސައްކަތް. އެކަމަށްޓަކައި މިކަމުގައި އެހީތެރިވި ހުރިހާ ފަރާތްތަކަށް ޝުކުރު ދަންނަވަން." މިނިސްޓަރު ނަހުލާ ވިދާޅުވިއެވެ.
އެ ބޭފުޅުން ވަނީ މާލޭ ސަރަހައްދުގައި ޕަބްލިކް ޓްރާންސްޕޯޓްގައި ބޭނުންކުރާ އިލެކްޓްރިކް ވެހިކަލް (އީވީ) ބަސްތަކުގެ ޗާޖިން ސްޓޭޝަން ރަސްމީކޮށް ހުޅުވުމަށްފަހު، ތިމާވެއްޓާއި ރައްޓެހި ބަހުގައި މާލޭގައި ދަތުރުކުރައްވާފައެވެ.
