ޑަބްލިޔުޑީސީގެ އޮފީސް ހިންގުކަށް މާލޭ ސިޓީ ކައުންސިލުން އަލިއްލަ ފަރާތެއްގެ އެޕާޓްމެންޓެއް ބޮޑު އަގުގައި ކުއްޔަށް ހިފި މައްސަލައެއް ފެންމަތިވެއްޖެއެވެ.
މާލެ ސިޓީކައުންސިލްގެ ބިޑު ކޮމެޓީގެ 2022 ގެ 8 ބަނަ ޖައްސާގެ ނިންމުމުގައިވާގޮތުން 1 އަހަރު ދުވަހުގެ މުއްދަތަށް އަމިއްލަ ފަރާތެއްގެ ގެއަކުން 1 އެޕާޓްމަންޓް މަހަކު 327،218.5ރ (ތިންލައްކަ ހަތާވީސްހާސް ދުއިސައްތަ އަށާރަ ރުފިޔާ ފަންސާސް ލާރި) އަށް ކުއްޔަށް ހިފުމަށްވަނީ ނިންމާފައެވެ.
މިނިވަން އަށް ލިބިފައިވާ އެ ބައްދަލުވުމުގެ ނިންމުމުގެ ކޮޕީއެއްގައިވާގޮތުން އަންހެނުންގެ ތަރައްގީއަށް މަސައްކަތްކުރާ ކޮމެޓީގެ އޮފީސް ހިންގުމަށް މާލެ ސިޓީ ކައުންސިލުން ބަޖެޓް ކޮށްފައިވަނީ 1 އަހަރު ދުވަހަށް 3،252،977.00ރ (ތިން މިލިއަން ދެލައްކަ ފަންސާސްދެހާސް ނުވަސަތޭކަ ހަތްދިހަހަތެއް) ރުފިޔާއެވެ. ނަމަވެސް އެ އެޕާޓްމަންޓް ކުއްޔަށް ހިފުމަށް ނިންމާފައިވަނީ ބަޖެޓް ކޮށްފައިވާ އަގަށްވުރެ ބޮޑުކޮށް 1 އަހަރުދުވަހަށް 3،926،622ރ (ތިންމިލއަން ނުވަލައްކަ ސައްބީސްހާސް ހަސަތޭކަ ބާވީސް( ރުފިޔާ އަށެވެ.
ކިޔުންތެރިންގެ ޚިޔާލުތައް
ސުބްޙާނަﷲ މުއިއްޒު މޮޔަވެފަބާ ހުރީ އެޕާރޓް މަންޓެއް ތިޔަ އަގުގަ ހިފަނީ . މިހާރުން މިހާރަށް އިސްތިއުފާ ދޭން ޖެހޭ ތިޔައީ ތެދެއްކަމަށްވާނަމަ.