ޅ. ނައިފަރު ބަނދަރުގައި އޮތް ތިން ލޯންޗެއްގައި އަލިފާން ރޯވެ އަނދާ ހުލިވެއްޖެ އެވެ.
އެމްއެންޑީއެފްގެ މީޑިއާ އޮފިޝަލް ވިދާޅޫވީ، އެހާދިސާގެ މައުލޫމާތު އެމްއެންޑީއެފް އަށް ލިބިގެން، ރޭފަތިހު އެކަމަށް އެޓްންޑްވެ، އެމްއެންޑީ އެފް އިން އަލިފާން ނިއްވާލި ކަމަށެވެ.
އެ ހާދިސާގައި މީހަކަށް އަނިޔާ ނުވާ ކަމަށް އެމްއެންޑީއެފުން ވަނީ ބުނެފަ އެވެ.
ޗޯންޗުތައް ބޭނުން ނުކުރެވޭ ވަރަށް ވަނީ އަނދާފައެެވެ.
އެނގިފައިވާ ގޮތުގައި ޑިންޑީ ސައިޒުގެ ތިން އުޅަނދު ބަނދަރުގައި އަޅާފައި އޮތީ ކައިރި ކައިރީގަ އެވެ.
ފުލުހުން ވަނީ މި ހާދިސާ ތަހުގީގު ކުރަމުންދާ ކަމަށް ބުނެފަ އެވެ.
