ކުރީގެ ޓޫރިޒަމް މިނިސްޓަރު އަލީ ވަހީދު މިއަދު ރާއްޖެ އަންނަ ކަމުގެ މައުލޫމާތު ލިބިއްޖެއެވެ.
އަލީ ވަހީދު މާލެ އަންނަނީ މިއަދު މެންދުރުގެ ވަގުތެއްގައި ކަމަށް އިތުބާރު ހުރި ފަރާތަކުން "މިނިވަން" އަށް ވަނީ މައުލޫމާތު ދީފައެވެ.
3 އަހަރު ދުވަހު ރާއްޖެއިން ބޭރުގައި ފިލައިގެން އުޅުމަށްފަހު އަލީ ވަހީދު ރާއްޖެ އަންނަނީ އޭނާގެ މައްޗަށް ކުރި ޖިންސީ ގޯނާ ކުރުމުގެ ކުށުގެ ދައުވާތައް ޕީޖީ އިން އަނބުރާ ގެންދިޔުމުންނެވެ.
ޕީޖީ އޮފީހުން ކުރިން ނެރުނު ނޫސްބަޔާނެއްގައި ބުނީ ދައުވާތައް އަނބުރާ ގެންދަން ނިންމީ، އަލީ ވަހީދުގެ ފަރާތުން އަނިޔާ ލިބުނު ކަމަށް ބުނެ ކުރިން ބަޔާންދިން މީހުންނާއި އަލީ ވަހީދާ ދެކޮޅަށް ހެކިބަސް ދޭން ބަޔާން ދިން މީހުން މި މައްސަލަ އިތުރަށް ކުރިއަށް ގެންދަން ބޭނުން ނުވާ ކަމަށާއި ބަޔާންތައް އަނބުރާ ގެންދަން އެދި ފުލުހުންނަށް ތަކުރާރުކޮށް އަންނަނީ ސިޓީ ފޮނުވަމުންނެވެ. އެހެންވެ މައްސަލަ އަލުން މުރާޖައާކޮށްދޭން ފުލުހުން އެދުނު ކަމަށް ވެސް ނޫސްބަޔާނުގައި ބުނެފައިވެއެވެ.
ޓޫރިޒަމް މިނިސްޓްރީގެ އަންހެން މުވައްޒަފުންތަކަކަށް ޖިންސީ ގޯނާކުރުމާއި ޖިންސީ އަނިޔާ ދިނުމާއި ރޭޕްކުރަން އުޅުމާއި ބޭއަދަބީ ގޮތުގައި ޖިންސީ ގުނަވަން ހާމަކުރުމާއި ހުއްދަ ނޫން ޖިންސީ މުއާމަލާތެއް ހިންގުމުގެ ދައުވާ އަލީ ވަހީދުގެ މައްޗަށް ހުފުލާފައިވަނިކޮށް، އޭނާ ރާއްޖޭން ބޭރަށް ފުރައިގެން ދިޔަ ގޮތަށް އަނބުރާ ރާއްޖެއަށް ނައުމުން އެމައްސަލަތައް ކޯޓުގައި ކުރިއަށް ނުގެންދެވި ވަނީ ހުއްޓިފައެވެ.
ޕީޖީ އޮފީހުގެ ބަޔާނެއްގައިގައި ބުނެފައިވަނީ އަލީ ވަހީދު ކޯޓަށް ހާޒިރުކުރެވޭނެ ގޮތެއް ނެތިގެން ކޯޓުން ސެޕްޓެމްބަރު 22، 2022 ގައި ދައުވާތައް އަނބުރާ އެ އޮފީހަށް ފޮނުވާލާފައިވާ ކަމަށެވެ. އެހެންވެ އަލީ ވަހީދު ރާއްޖެއަށް އައުމުން އަލުން ހުށަހަޅަން ބުނެ އެ މައްސަލަ އޮކްޓޫބަރު 6. 2022 ގައި އަލުން ފުލުހަށް ހުށަހެޅި ކަމަށް ވެސް ޕީޖީ އޮފީހުން ބުނެފައިވެއެވެ.
ޕީޖީ އޮފީހުން ބުނި ގޮތުގައި މައްސަލަ ކުރިމަތިވި މީހުންގެ ހެކިބަހާ ނުލައި މައްސަލަ ކުރިއަށް ގެންދެވޭނެ އެހެން ހެއްކެއް ނެތުމުން މައްސަލަ ކުރިއަަށް ގެނެދެވެން ނެތީމަ، އަނބުރާ ގެންދިޔައީ ކަމަށެވެ.
އެ މައްސަލަތައް އަނބުރާ ގެންދިޔަ ނަމަވެސް ސުޕްރީމް ކޯޓުގައި ޕީޖީން އިސްތިއުނާފުކުރި މައްސަލައަކާ ގުޅިގެން ކޯޓަށް ހާޒިރު ނުވުމުން އަލީ ވަހީދު ދެ މަހާއި 12 ދުވަހަށް ޖަލަށް ލުމުގެ ހުކުމެއް ކޮށްފައެެވެ. މި ހުކުމް އަދުވެސް އެބައޮތެވެ.
އަލީ ވަހީދު ދިރިއުޅެމުން އައީ އިނގިރޭސި ވިލާތުގައެވެ.
ކިޔުންތެރިންގެ ޚިޔާލުތައް
ފައިސާ އަށް ނުވާނެ ކަމެއް ނޯންނާނެ. ބަޔާންދިން އެންމެނަށް މިހާރު ތިބީ ވަހުސީ ކަލޭގެ ވަރެއް ނެތިފަ.
ޕީޖީއަކީވަކިބަޔަކައްއިންސާފުހޯދާދޭންމަސަކައްކުރާތަނެއްކައްމިދިވެހިރާއްޖޭގެ
އެއްމެހާރަތްޔިތުނަވަރައްސާފުކޮއްއެބައެގޭމިހާރުވެސްތިއަހަދަމުއްދާދޮގުނިކައްވިސްނާފިކުރުކޮއްބަލަޕީޖީހުފީހުގެއިސްފަރާތަކައްއަޅުގަންޑުމިދައްނަވާލަނީ
ތިއަބޭފުޅުއްހީފުޅުނުކުނުކުރައްވާތިރާއްޖޭގެރައްޔިތުއްތިބީނިދާފައޭ(ތިއަބޭފުޅުއްކުޅެމުއްދާޑުރާމާތައްއަޅުގަންޑުމެއްމިދަވަރައްހުސިއާރުކަމާއެކުކޮޕީކުރަމުއް.
މާއްﷲއިރާދަކުރެއްވިއްވަރައްއަވަހައް(ތިއައެކުޓަރުއްނާއިސާއިރުއްތައް.އިންސާފުކުރުމައްޓަކާގާނޫނީދިގުއަތްފޯރާނެ!މާއްﷲއިރާދަކުރެއްވިޢްޔާވަރައްއަވަ
ހައްޕީޖީމެޢްކުޑަގޮޅިއައްލެވޭނަ(މިއީހަމަޔަގީން…..މިއަދުޕީޖީބޭފުޅުއްނައްއަދި
ސުޕޮރީންކޯޓުގެފަޑިޔާރުއްނައްވެސް(ރައިސްޔަސމީނައްބޭނުގޮތެއްހެއްދެވިދާނެ