އެމްޑީޕީގެ ރިޔާސީ ކެންޑިޑޭޓް، ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު، ކެންޕެއިނަށް ކ. އަތޮޅަށް ކުރައްވާ ދަތުރުގެ ތެރެއިން، މިއަދުގެ ފަހު މަންޒިލް މާފުއްޓަށް ވަޑައިގެންފިއެވެ.
ރައީސް ސޯލިހު މާފުށްޓަށް އަށް ވަޑައިގެންނެވުމުން އެ ރަށު ރައްޔިތުން ވަނީ ސަގާފީ ހަރަކާތްތަކާއިއެކު އެމަނިކުފާނަށް ހޫނު މަރުހަބާއެއް ދަންނަވާފައެވެ.
މިޕާޓީގެ ރިޔާސީ ކެންޑިޑޭޓް ރައީސް @ibusolih ކ.މާފުއްޓަށް ވަޑައިގަތުމުން ހޫނު މަރުޚަބާއެއް ދަންނަވައި.
ރިޔާސީ އިންތިޚާބުގެ ކެމްޕެއިން އަށް ރައީސް @ibusolih މާލެ އަތޮޅު ގުޅި، ގުރައިދޫ އަދި މާފުއްޓަށް ކުރައްވަމުން ގެންދަވާ ދަތުރުފުޅު.
#Ibu2023
#VoteMDP
#UfaaveriAmaanRaajje pic.twitter.com/K7Ekudt3s7— MDP Secretariat (@MDPSecretariat) July 13, 2023
މާފުށީގެ އިތުރުން، ރިޔާސީ އިންތިހާބު ކެމްޕެއިނަށް މާލެ އަތޮޅު ގުޅި، އަދި ގުރައިދޫ އަށްވެސް ރައީސް ސޯލިހު ވަނީ މިއަދު ވަޑައިގެންފައެވެ.
ރިޔާސީ އިންތިހާބުގެ ކެމްޕެއިނަށް މި ހަފްތާގައި ރައީސް ސޯލިހު ވަނީ ށ އަތޮޅުގެ ހަތަރު ރަށަކަށް ވެސް ޒިޔާރައް ކުރައްވާފައެވެ.
ކުރިއަށް އޮތް ރިޔާސީ އިންތިޚާބަށް ރައީސް ޞާލިހުގެ މެނިފެސްޓޯ އެކުލަވާލުމުގެ މަސައްކަތް ކުރަމުންދާއިރު، ރަށްތަކަށް ކުރައްވާ ދަތުރުފުޅުތަކުގައި ރައްޔިތުންނަށް އެންމެ ބޭނުން ޖެހިފައިވާ ކަންކަން ބައްލެއްވުމަށް ވަނީ ހަމަޖެހިފައެވެ.
