ޑިމޮކްރެޓްސްގެ ވެރިކަމެއްގައި ސަރުކާރު ހިއްސާވާ ހުރިހާ ކުންފުނިތަކެއް ޕްރައިވަޓައިޒް ކުރާނެ ކަމަށް އެ ޕާޓީން ބުނެފި އެވެ.
ޑިމޮކްރެޓްސްގެ ރިޔާސީ ކެންޑިޑޭޓް އިލްޔާސް ލަބީބާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިހާރު އައްޑޫއަށް ކުރައްވަމުން ގެންދަވާ ދަތުރުފުޅުގައި މަރަދޫގެ ރައްޔިތުންނާއި އެކު ބޭއްވި ބައްދަލުވުމެއްގައި އިލްޔާސް ވިދާޅުވީ ސަރުކާރުގެ ކުންފުނިތައް ހިންގުމަކީ އޭނާގެ ސަރުކާރެއްގައި ކުރާނެ ކަމެއް ނޫންކަމަށެވެ.
އިލްޔާސް ވިދާޅުވީ އެކުންފުނިތަކުގައި ހުރި ސަރުކާރުގެ ހިއްސާ ދޫކޮއްލައްވާނެ ކަމަށާއި އޭރުން އެ ކުންފުނިތައް ވެގެން ދާނީ ރައްޔިތުންނަށް މަންފާ ކުރާނެ ކުންފުނިތަކަކަށް ކަމަށްވެސް އިލްޔާސް ވިދާޅުވި އެވެ.
"މިފްކޯ އާއި ފެލިވަރު ފަދަ ތަންތަނަކީ ސަރުކާރުން ހިންގަން ޖެހޭ ތަންތަނެއް ނޫން. އަޅުގަނޑުމެން އެތަންތަން ދޫކޮށްލާނަން، އެތަންތަން ސަރުކާރުން ބޭރުކޮށްލާނަން. ބޭރުކޮށްފައި އަމިއްލަ ފަރާތްތަކަށް އަދި ރައްޔިތުން ހިއްސާވާ ގޮތަށް އެ ކުންފުނިތައް ދޫކޮށްލާނަން." އޭނަ ވިދާޅުވި އެވެ.
އިލްޔާސްގެ ވާހަކަފުޅުގައި ވަނީ ކުންފުނިތައް ހިންގާ ވިޔަފާރި ކުރުމަކީ ސަރުކާރުން ކުރަންޖެހޭ ކަމެއް ނޫންކަމަށް ތަކުރާރުކޮށް ވިދާޅުވެފަ އެވެ.
