ޑިމޮކްރެޓްސްގެ ރިޔާސީ ކެންޑިޑޭޓް އިލްޔާސް ލަބީބުގެ ވެރިކަމެއްގައި އެއްވެސް މީހެއްގެ ދަށެއް ނުވާނެ ކަމަށާއި ނަމަވެސް ކަންކަން ނިންމާނީ އެންމެންގެ މަޝްވަރާއާއި އެކުކަމަށް އޭނާ ވިދާޅުވެއްޖެ އެވެ.
ރައްޔިތުންގެ މަޖިލީހުގެ އިދާރާގައި މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުން އިލްޔާސް ވިދާޅުވީ އޭނާގެ ވެރިކަމެއްގައި ރައީސުލްޖުމްހޫރިއްޔާ ނިންމަން ޖެހޭ ނިންމުންތައް ނިންމާނީ އަމިއްލައަށް ކަމަށާއި އެހެންނަމަވެސް ލަފަޔާއި އިރުޝާދު ހޯއްދަވާނެ ކަމަށެވެ.
"ގަނޫނު އަސާސީން ރައީސުލްޖުމްހޫރިއްޔާއަށް މަތިކޮށްފައިވާ ޒިންމާއެއް އަދާ ކުރުމުގަ ނިންމުންތައް ނިންމާނީ އަޅުގަނޑުގެ ސަރުކާރެއްގައި އަޅުގަނޑު. އަޅުގަނޑު ދެއްނެވިގެން ލަފަޔާއި އިރުޝާދު އަޅުގަނޑު ހޯދާނަން،" އިލްޔާސް ވިދާޅުވި އެވެ.
އިލްޔާސް ވިދާޅުވީ ރައީސް ނަޝީދަކީ އޭނާގެ ސިޔާސީ ހަޔާތުގައި ދުށް އެންމެ ދުރުވިސްނުންތެރިކަމާއި އެކު ކަންކަން ރާވާއި ހިންގަވާފައިވާ ބޭފުޅާކަމަށާއި އަދި މިހާރުވެސް ހިންގަވާ ބޭފުޅާ ކަމަށެވެ. އެހެންކަމުން ރައީސް ނަޝީދުގެ އިރުޝާދު ކަންކަމުގައި ހޯއްދަވާނެކަމަށްވެސް އިލްޔާސް ވިދާޅުވި އެވެ.
އިގްތިސޯދީ ކަންކަމުގައި އިގްތިސޯދީ މާހިރުންގެ ލަފާ އަޑުއައްސަވާނެ ކަމަށާއި ރައްޔިތުންގެ ލަފާވެސް ކަންކަމުގައި ހޯއްދަވާނެ ކަމަށް އިލްޔާސް ވިދާޅުވި އެވެ.
ކިޔުންތެރިންގެ ޚިޔާލުތައް
Thiyaeedhogeh thiyaee nasheedhugereyvun fahareggaibakarifen nudheeves kathilaifaanr
މީހެއްގެ ދަށުވެފަހުރި ވާހަކަ ބުނީ އެހެން މީހެއް ނޫނޭ ތިމާ އަމިއްލައަށޭ. މިހާރު މީހުންގެ ފާޑުކިއުން އަމާޒުވީމަ ތިޔަ ހަދާ ދޮގެއް މީހަކު ޤަބޫލެއް ނުކުރާނެ.