މިދިޔަ ހަފްތާގައި ކުރި ވިއްސާރައިގައި ފެންބޮޑުވެ ގެއްލުންވެފައިވަނިކޮށް މާލޭގެ މަގުތަކުގެ ކާނުތައް ސާފުކުރަން މިއަދު ހާއްސަ ޕްރޮގްރާމެއް ފަށައިފި އެވެ.
މިއަދު ހެނދުނު މި ޕްރޮގްރާމް ޝަރަފްވެރިކޮށް ދެއްވީ ލޯކަލް ގަވާމެންޓް މިނިސްޓަރު އާދަމް ޝަރީފް އުމަރެވެ.
ކާނުތައް ސާފުކުރުމުގައި މިނިސްޓަރާއި އަދި މާލޭ ސިޓީ ކައުންސިލްގެ މެމްބަރުން ވަނީ އަމަލީ ގޮތުން ހަރަކާތްތެރިވެފައިވެ އެވެ.
ކައުންސިލުން ބުނީ މިއީ ފަސްދުވަހުގެ ޕްރޮގްރާމެއް ކަމަށެވެ. އަދި ކުރިއަށް އޮތް ތަނުގައި ވެސް މިކަން ކުރިއަށް ގެންދަން ނިންމާފައިވާ ކަމަށް ކައުސިލުނ ބުންޏެވެ.
