ކުރިޔަށް އޮތް ރައްޔިތުންގެ މަޖިލީހުގެ ވޯޓުލުމުގެ ހައްގު ލިބިގެންވާ މީހުންގެ ތެރެއިން ވޯޓާސް ލިސްޓަށް ޝަކުވާ ހުށަހެޅުމުގެ މުއްދަތު މާދަމާ މެންދުރު ފަހު ތިން ގަޑި ސުންމިނުޓުގައި ހަމަވާނެ ކަމަށް އިލެކްޝަންސް ކޮމިޝަން (އީސީ) އިން ބުނެފިއެވެ.
އީސީން ބުނީ އިއްޔެގެ ނިޔަލަށް އިދާރާ އަށް ހުށަހަޅާފައިވަނީ 325 ޝަކުވާ ކަމަށެވެ.
މަޖިލީސް އިންތިހާބުގައި ވޯޓުލެވޭކަން ކަށަވަރު ކުރުމަށްޓަކާ، ލިސްޓުގައި ހިމެނޭ މައުލޫމާތު ޗެކު ކުރުމަށް އީސީއިން ވަނީ އިލްތިމާސްކޮށްފައެވެ.
ވޯޓުލުމުގެ ހައްގު ލިބިފައިވާ މީހުންގެ މައުލޫމާތު 1414 އަށް ގުޅައިގެން ނުވަތަ VR (space) NID ޖެހުމަށްފަހު 1414 އަށް އެސްއެމްއެސް ކޮށްލުމުން ވެސް ބަލައިލެވޭނެއެވެ.
ރައްޔިތުންގެ މަޖިލީހުގެ އިންތިޚާބު 2024 ގެ ވޯޓުދިނުމުގެ ޙައްޤު ލިބިފައިވާ މީހުންގެ ލިސްޓަށް، އިއްޔެގެ ނިޔަލަށް، އިލެކްޝަންސް ކޮމިޝަނަށް ލިބިފައިވަނީ، 325 ޝަކުވާ.
ޝަކުވާ ބަލައިގަތުމުގެ ސުންގަޑި އަކީ މާދަމާ (2024 ޖެނުއަރީ 21 ވާ އާދީއްތަ ދުވަހުގެ) 15:00.#vihi24 @ElectionsMv… pic.twitter.com/XVH7GDhyXx— Ismail Habeeb (@IsmailHabeeb) January 20, 2024
ރައްޔިތުންގެ މަޖިލީހުގެ އިންތިހާބުގައި ވޯޓު ދިނުމުގެ ހައްގު ލިބިފައިވާ މީހުންގެ ލިސްޓަށް ޝަކުވާ ހުށަހެޅުމުގެ ފުރުސަތު އީސީން އިން ހުޅުވާލައިފި ވަނީ މިމަހުގެ 11 ވަނަ ދުވަހުގައެވެ.
