އިންޑިޔާ ސިފައިން ތިބި ދިވެހި މަސް ދޯންޏަށް ދިއުމަށް ރާއްޖޭގެ ކޯސްޓްގާޑުން ދަތުރު ފަށައިފިއެވެ،
އެމްއެންޑީއެފުން ބުނީ ދިވެހިރާއްޖޭގެ ޚާއްޞަ އިޤްތިޞާދީ ސަރަހައްދުގައި ވަނިކޮށް ދިވެހި މަަސްދޯންޏަަކަށް ބޭރުގެ ޢަސްކަރިއްޔާއަކަށް ނިސްބަތްވާ އުޅަނދެއްގެ ބޯޑިން ޓީމަކުން މަސްދޯންޏަށް އަރާފައިވާކަމުގެ ރިޕޯޓެއް ލިބިފައިވާތީ އެކަން އެމްއެންޑީއެފްއިން ބަލަމުންގެންދާކަމަށެވެ. އަދި އަދި އެސަރަހައްދަށް އެމްއެންޑީއެފް ކޯސްޓްގާޑުގެ އުޅަނދެއް މިހާރު ދަތުރު ކުރަމުންދާކަމަށް އެއެންޑީއެފުން ބުނެއެވެ.
ބޮޑުކަންނެލި މަސްވެރިންގެ ޔޫނިއަނުންބުނީ އިންޑިއާ ކޯސްޓްގާރޑުން އަރާފައވަނީ އދ މަހިބަދޫ އަސުރުމާ 3 ދޯންޏަށެވެ. މި ދޯނި މަސްވެރިކަންކުރަމުން ދިޔައީ ރާއްޖޭގެ ބޯޑަރުގެ 15 މޭލު އެތެރެއިންކަމަށް މައުލޫމާތުލިބެއެވެ.
ބޮޑުކަންނެލި މަސްވެރިންގެ ޔޫނިއަނުން ވަނީ އިންޑިއާ ކޯސްޓްގާރޑުން ދޯންޏައް އެރި ލޮކޭޝަން ސޯސަލް މީޑިއާގައި ހިއްސާކޮށްފައެވެ. މިނިވަން ނޫހަށް އެނގިފައިވާ ގޮތުގައި އިންޑިއާ ސިފައިން އެ ދޯންޏަށް އަރައި ސުވާލު ކުރަމުންދަވީ ސެޓްލައިޓް ފޯން ބޭނުންކުރާތީއެވެ. ނަމަވެސް ދޯނިފަހަރުގައި ސެޓްލައިޓް ފޯން ބޭނުންކުރުމަކީ ރާއްޖޭގެ ޤާނޫނުގައި މަނާ ކަމެއް ނޫނެވެ. އަދި ސެޓްލައިޓް ފޯނަކީ ސަލާމަތީ ގޮތުން ގިނަ ދޯނިފަހަރުގައި މިހާރު ބޭނުންކުރަމުންދާ މުހިންމު ވަސީލަތެކެވެ.
