05 ފެބްރުއަރީ 2024 — ރައްޔިތުންގެ މަޖިލިސް މިއަހަރަށް ހުޅުވާ ޖަލްސާ މިއަދު ބާއްވަނީ ރައްޔިތުންގެ މަޖިލިސް ކުރާ ގޭގަ އެވެ. ރައީސް ޑރ. މުއިއްޒު މިއަދު އިއްވަވާ ރިޔާސީ ބަޔާނަކީ އެމަނިކުފާނުގެ ފުރަތަމަ ރިޔާސީ ބަޔާނެވެ. ރައީސް ޑރ. މުއިއްޒުގެ ގެ ބަޔާނުގައި މައިގަނޑު ހުރިހާ ދާއިރާއަކަށް އަލިއަޅުއްވާލައްވަވާ ސަރުކާރުގެ ސިޔާސަތުތައް ހާމަކޮށްދެއްވާނެ އެވެ. ސަރުކާރުން ބުނެފައި ވަނީ މިއީ އެންމެ 'ވިޝަނަރީ' ރިޔާސީ ބަޔާނަށް ވާނެކަމަށެވެ.
8:59 ރިޔާސީ ބަޔާން އިއްވެވުމަށްޓަކާ ރައީސުލް ޖުމްހޫރިއްޔާ ރައްޔިތުންގެެމަޖިލީހުގެ ތަޅުމަށް ވަޑައިގެންފި
9:00 ޖަލްސާ ފަށައިފި
ޖަލްސާއަށް ހާޒިރުވެ ތިއްބެވީ 24 މެމްބަރުންކަމަށް މަޖިލީހުގެ ރައީސް އިއުލާން ކުރައްވައިފި
އެމްޑީޕީ މެމްބަރުން ހާޒިރު ނުވާނެކަން އެންގެވި ކަމަށް މަޖިލީހުގެ ރައީސް އަސްލަމް ވިދާޅުވި، ސަބަބުތަކެއް ކަމަށް އަސްލަމް ވިދާޅުވީ މިއަދު ރަސްމީ ބަންދު ދުވަހަކަށް ނުހެދުމާއި ވަޒީރުންނަށް ރުހުން ދޭން ޖަލްސާ އޮތް ދުވަހު ސަރުކާރުގެ އިސް ބައެއް ވެރިންނާއި ސަޕޯޓަރުން އެއްވެ ހަމަނުޖެހުން ހިންގާފައިވާތީ ކަމަށް
9:05 ރައީސް ރިޔާސީ ބަޔާން އިއްވަވަން ފައްޓަވައިފި
ރައީސްގެ ބަޔާން ފެއްޓެވީ، ޝަމްސުއްދީން ރަދުންގެ ވާހަކަފުޅުން
ދިވެހިންގެ މިނިވަންކަން ހިފަހައްޓަވަން މަސައްކަތް ކުރައްވަން ވައުދުވެވަޑައިގެންނެވި ކަމަށް ރައީސް ވިދާޅުވެއްޖެ
"ދިވެހި ރައްޔިތުންގެ ބޮޑު އަގުލަބިއްޔަތެއް، އަޅުގަނޑުމެންގެ ސަރުކާރަކަށް ކުރި ތާއީދަކީ، ރާއްޖޭގައި ތިބި ބޭރުގެ ޢަސްކަރީ ސިފައިން މި ފަސްގަނޑުން ފޮނުވައިލުމަށާ، ރާއްޖޭގެ ކަނޑުން ގެއްލުނު ބައި އަނބުރާ ހޯދުމަށާ، ރާއްޖޭގެ ސިޔާދަތަށް އުނިކަމެއް ލިބިދާނެ ގޮތަކަށް ދައުލަތުން ހަދާފައިވާ ކޮންމެ އެއްބަސްވުމެއް އުވައިލުމުގެ މައްޗަށް ކުރި ތާއީދަކާ ހިފި ބައިއަތެއް." ރައީސް ވިދާޅުވެއްޖެ
ރާއްޖޭގެ އަސްކަރިއްޔާ ވަރުގަދަ ކުރަން މަސައްކަތް ފައްޓަވާފައިވާކަމަަށް ރައީސް ވިދާޅުވެއްޖެ
އެންމެ އިސްކަންދެއްވާނީ 'ޕްރޯ މޯލްޑިވްސް' ސިޔާސަތަށް ކަމަށް ރައީސް ވިދާޅުވެއްޖެ
ވިދާޅުވީ މިއަދާ ހަމައަށް 11 ހަފްތާ ނިމުނު އިރު ފުރަތަމަ ދުވަހު ފުއްދަން ކަނޑައެޅި ހަތް ވައުދާއި، ހަތަރު ހަފްތާ ހަމަވުމުގެ ކުރިން ފުއްދަން ކަނޑައެޅި އިތުރު 17 ވައުދާއި ނުވަ ހަފްތާ ހަމަވުމުގެ ކުރިން ފުއްދަން ކަނޑައެޅި އިތުރު 26 ވައުދާ އެކު ޖުމްލަ 50 ވައުދު ވަނީ %100 ފުއްދިފައި ކަމަށް. އޭގެ އިތުރުން 14 ހަފްތާ ނިމުމުގެ ކުރިން ފުއްދަން ކަނޑައެޅި އިތުރު 111 ވައުދުގެ މިހާތަނަށް %78 ފުއްދިފައި ކަމަށް ރައީސް ވިދާޅުވެއްޖެ
ދިވެހި އެންމެ ގިނަ ރައްޔިތުންގެ އިޙްސާސްތަކާ ގުޅިފައިވާ އެންމެ ހިތްދަތި އެއް މައްސަލައަކީ ގޯތިގެދޮރުގެ ދަތިކަން ކަމަށް ރައީސް ވިދާޅުވެއްޖެ
މާލެ ސަރަހައްދުން ފަށާފައި އޮތް ހުރިހާ ފަޅެއް (ގުޅީފަޅު، ގިރާވަރުފަޅު، ފުށިދިއްްގަރުފަޅު) ހިއްކައި، އެތަންތަނުން ބޯހިޔާވަހިކަން ދެއްވާނެ ކަމަށް ރައީސް ވިދާޅުވެއްޖެ
ހިޔާ ފްލެޓްތަކާއި ވިނަރެސް ފްލެޓްތަކުގެ ކުލި ކުޑަކުރެއްވި ކަމަށް ރައީސް ވިދާޅުވި
%5 އަށްވުރެ ދަށް އިންޓަރެސްޓް ރޭޓެއްގައި، ގެދޮރު އެޅުމަށާ، ގެދޮރު މަރާމާތު ކުރުމަށާ، ފްލެޓް ގަތުމަށް ފައިސާ ހަމަޖެހޭނެ ގޮތް ސަރުކާރުން ފަހިކޮށްދޭނެ ކަމަށް ރައީސް ވިދާޅުވި
ބޯހިޔާވަހިކަމުގެ ވާހަކައަށް ފަހު ރައީސް ފެއްޓެވީ އިގުތިސާދުގެ ވާހަކަ
ސޮވަރިން ފަންޑަށް އަލުން ޑޮލަރު ފައިސާ ޖަމާކުރަން ފަށާފައިވާކަމާށާއި ރާއްޖޭގައި އޮތް ޑޮލަރު ނުލިބުމުގެ ދަތިކަން ހައްލުކޮށް، ރާއްޖޭގައި ބޭރު ފައިސާ ބެހެއްޓޭނެ އާ ގޮތްތައް ވެސް ހޯދަމުން އަންނަ ކަމަށް ރައީސް ވިދާޅުވި.
ސަރުކާރުން ބަދަލު ދޭން އުފައްދާފައި އޮތް ސެޓްލްމަންޓް ކޮމިޓީ ހަމައެއް ލަމައެއް ނެތިގެން، އުވާލާފައިވާކަމަށް ރައީސް ވިދާޅުވި
ދައުލަތުގެ ކުންފުނިތައް މިހާރު އޮތް ދަރިނިތަކުން ސަލާމަތްކޮށް، އަރަނިވާނެ ގޮތްތަކެއް ހޯދަމުން އަންނަކަމަށް ރައީސް ވިދާޅުވި
މިދިއަ އަހަރު ނިމުނުއިރު ޖީޑީޕީގެ ނިސްބަތުން ދައުލަތުގެ ދަރަނި ހުރީ އުފެއްދުންތެރިކަމުގެ ނިސްބަތުން %115.9 އުފުލިފައި ކަަމަށް ރައީސް ވިދާޅުވި.
ވޭތުވެދިޔަ ފަސް އަހަރު 8 ބިލިއަނެއްހައި ރުފިޔާ ދައުލަތުގެ ހަރަދުތައް ހަމަޖެއްސުމުގެ ނަމުގައި ޗާޕްކޮށްގެން ނެރެފައި ވާ ކަމަށް ރައީސް ވިދާޅުވެއްޖެ މިއީ އޭގެ ކުރީގެ 40 އަހަރު ފައިސާ ޗާޕްކުރި ޖުމްލަ މިންވަރާ ނުބައްދަލު ބޮޑު އަދަދެއްކަމަށް ވެސް ވިދާޅުވި
ރައީސް ވިދާޅުވީ ދަރަނި އިތުރުވާން ދިމާވެފައިވާ މައިގަނޑު ސަބަބަކީ އާމްދަނީއާ އަޅާބަލާއިރު ސަރުކާރުގެ ހަރަދުތައް ބޮޑު ތަނުން އިތުރުވުން ކަމަށް، ސަރުކާރުގެ ހަރަދު ކުޑަކުރަން ފިޔަވަޅުތަކެއް އެޅުމުގެ ގޮތުން ޒަމާނުއްސުރެ ސަބްސިޑީގެ ނިޒާމު ބައްޓަންކުރެވިފައިވާ ގޮތް ބަދަލުކޮށް، ސަބްސިޑީއަކީ ދައުލަތުގެ އެހީތެރިކަމަށް އެންމެ ބޭނުން ޖެހިފައިވާ ފަރާތްތަކަށް ހާއްސަކުރެވިގެން ދޭ އެއްޗަކަށް ބަދަލުކުރާނެ ކަމަށް ރައީސް ވިދާޅުވެއްޖެ
ސަރުކާރުގެ ކުންފުނި ތަކުގެ ދަރަނި ބޮޑުކަން ރައީސް ފާހަގަ ކުރެއްވި
އިގުތިސާދީ ދާއިރާ އަށް ފަހު ރައިސް ފެއްޓެވީ ތައުލީމީ ދާއިރާގެ ވާހަކަ
ރައީސް ވިދާޅުވީ ރާއްޖެއަށް ބޭނުންވާ ސްކޫލްތަކާއި ވަސީލަތްތައް ނެތް ކަމަށް. އަދި ސްކޫލްތަކަށް މަރާމާތުކުރަން ބޭނުންވާ 30 މިލިއަން ރުފިޔާ ހަމަޖައްސަވާފައިކަމަށް ވިދާޅުވި.
ރާއްޖޭގެ ކޮންމެ ރަށެއްގައި ގައުމީ ކުތުބާހާނާގެ ގޮތްޕެއް ގާއިމްކުރާނެ ކަމަށް ރައީސް ވިދާޅުވި.
ތައުލީމީ ދާއިރާއަށް ފަހު ދެން ފެއްޓެވީ ސިއްހީ ދާއިރާ
ރައީސް ވިދާޅުވީ ޕްރައިމަރީ ހެލްތު ކެއާގެ ނިޒާމް ރަށްރަށަށް އިތުރަށް ފުޅާކުރައްވާނެ ކަމަށް ވިދާޅުވި.
ޑިސްޓްރިކްޓް ހެލްތު އިންފޯމޭޝަން ސޮފްޓްވެއާ މެދުވެރިކޮށް މުޅި އާބާދީގެ 18 އަހަރުން މަތީގެ ހުރިހާ ރައްޔިތުންގެ މަޢުލޫމާތު އެއްކޮށް، ފަރުވާ ބޭނުންވާ ފަރާތްތަކަށް ފަރުވާ ފޯރުކޮށްދެވިގެންދާނެ ކަމަށް ރައީސް ވިދާޅުވި.
ނުކުޅެދުންތެރިކަން ހުންނަ ފަރާތްތަކަށާއި ހާއްސަ އެހީއަށް ބޭނުންވާ ފަރާތްތަކަށް ހާއްސަ ސަމާލުކަމެއް މި ދައުރުގައި ދޭނެކަމަށް ރައީސް ވިދާޅުވި
އެގޮތުން ނުކުޅެދުންތެރިކަން ހުންނަ މީހުންނަށް ސިވިލް ސާވިސް އަދި ސަރުކާރު ހިއްސާވާ ކުންފުނިތަކުން ވަޒީފާގެ ފުރުސަތު، އެކުލަވާލެވޭ އުސޫލެއްގެ ތެރެއިން މަގުފަހިކުރަން ހާއްސަ ގަވައިދެއް އެކުލަވާލައި ތަންފީޒުކުރުމުގެ މަސައްކަތް ފަށާފައިވާ ކަމަށް ރައީސް ވިދާޅުވި
ސަރުކާރުން އަލަށް ފަށާ ސޯޝަލް ހައުސިން ސްކީމްތަކުގައި، ހާއްސަ އެހީއަށް ބޭނުންވާ މީހުންނަށް ހާއްސަކުރެވިގެން 500 ހައުސިން ޔުނިޓް ހިމަނަން ނިންމާފައިވާ ކަމަށް ރައީސް ވިދާޅުވެއްޖެ
މާލެ ސަރަހައްދުގެ އިތުރުން އަތޮޅު ތެރޭގެ ފަސް ސަރަހައްދެއްގައި ބްލަޑް ބޭންކު ހަދަން ވެސް ވަނީ ނިންމާފައި ކަމަށް ރައީސް ވިދާޅުވި.
ސިއްހީ ދާއިރާއަށް ފަހު ދެން ރައީސް އަލިއަޅުވާލެއްވީ، ތިމާވެއްޓަށް
ރައީސް ވިދަޅުވީ އަމާޒަކީ އިޔާދަކުރަނިވި ހަކަތަ ބޭނުންކުރާ މިންވަރު 33 އިންސައްތައަށް އިތުރުކުރުންކަމަަށް
މި ދައުރުގައި ފަސް މިލިއަން ގަސް އިންދުމުގެ މަޝްރޫއެއް މި އަހަރު ފައްޓަވާނެ ކަމަށް ވެސް ރައީސް ވިދާޅުވި.
އަދި ޒުވާނުންނާއި ކުޑަކުދިންނަށް ރީތި، ފެހި ރާއްޖެއެއް ފޯރުކޮށްދެވޭނެ ކަމަށް ރައީސް ވިދާޅުވި.
ކުޅިވަރުގެ ދާއިރާއިން ރާއްޖޭގެ ފުޓްބޯޅައިގެ ހާލަތަށް އަލި އަޅުއްވާލެއްވި، އެގޮތުން ވިދާޅުވީ ސަރަހައްދީ މުބާރާތެއްގައި ދުވަހަކު ރާއްޖެ ނުދާހާ ދަށަށް ހިނގައްޖެ ކަމަށް.
ރާއްޖޭގައި ފުރަތަމަ ފަހަރަށް މަލްޓި ސްޓޯރީ ފުޓްސަލް އަދި ނެޓްބޯލް ކޮމްޕްލެކްސްތައް ހަދަން ހުޅުމާލޭން ދެ ބިން މިހާރު ހަމަޖައްސަވާފައިވާނެ ކަމަށް ރައީސް ވިދާޅުވި.
ރައީސް ވިދާޅުވީ، އެއީ ރާއްޖޭގެ ބިމުގެ ދަތިކަމަށް ވިސްނާފައި ކުރެއްވި ކަމެއް ކަމަށް.
ރައީސްގެ ވާހަކަފުޅުގައި ބޭރު ގައުމުތަކުގައި ދިރިއުޅޭ ދިވެހިންނާއި ދިވެހި އާއިލާތަކުގެ މަތިން ވެސް ހަނދާންކުރަން ޖެހޭ ކަމަށް ވިދާޅުވި
– ހުރިހާ ރަށެއްގައި ޕޮލިސް ސްޓޭޝަން ގާއިމުކުރުމުގެ މަޝްރޫއެއް ފަށަން ހަމަޖެހިފައިވާކަމަށް ރައީސް ވިދާޅުވި
މި ސަރުކާރުން އަލަށް 10 ރަށެއްގައި ފުލުހުންގެ ޕޯސްޓް މިހާރު ވެސް ވަނީ ގާއިމުކޮށްފައި ކަމަށް ރައީސް ވިދާޅުވި.މީގެ އިތުރުން މި މަހުގެ ތެރޭގައި އިތުރު 9 ރަށެއްގައި އެ ހިދުމަތް ފަށާނެކަމަށް ވެސް ރައީސް ވިދާޅުވި
އެ ރަށެއްގެ އާބާދީގެ ނިސްބަތުން ޕޮލިސް ސްޓޭޝަން ގާއިމް ކުރުމުގެ ބޮޑު މަޝްރޫއެއް މި އަހަރުގެ ތެރޭގައި ފަށާނެ ކަމަށް ވެސް ރައީސް ވިދާޅުވި
– ޝަރުއީ ދާއިރާއަށް އަލިއަލުއްވާ ރައީސް ވިދާޅުވީ، ޝަރުއީ ދާއިރާ ހިނގަމުން އެދަނީ ސަރުކާރުގެ އެއްވެސް ނުފޫޒެއް ނެތިކަމަށް
"ޝަރުއީ ދާއިރާ ހިނގަމުން އެދަނީ ސަރުކާރުގެ އެއްވެސް ނުފޫޒެއް ނެތިކަން އަޅުގަނޑު ސާބިތުކަމާއެކު ދަންނަވަން" ރައީސް ވިދާޅުވި
ކަފާލަތުގެ ބިލު ހިމެނޭހެން މުހިއްމު ގިނަ ބިލުތަކެއް މި ދައުރުގައި މަޖިލީހަށް ހުށަހަޅުއްވާނެ ކަމަށް ރައީސް ވިދާޅުވި
އޭގެ އިރުރުން ޖޭއެސްސީ ބިލާއި، ޕްރިވެންޓިވް ހެލްތް ކެއާ ބިލާއި، ނަފުސާނީ ދުޅަހެޔޮކަމާބެހޭ ބިލް އަދި ގެދޮރުވެރިކަމުގެ މިންގަނޑުތަކާބެހޭ ބިލް ވެސް ހުށަހަޅުއްވާނެ ކަމަށް ވިދާޅުވި އަދި ޓްރެވެލް އެޖެންސީއާބެހޭ ބިލާއި ރިއަލްއެސްޓޭޓް ވިޔަފާރި ފުޅާކުރުމާ ބެހޭ ބިލާއި އާބަން ޕްލޭނިންއާ ބެހޭ ބިލް އަދި އާބަން ޑިވެލޮޕްމަންޓާއި ބެހޭ ބިލް ހިމެނޭ ކަމަށް ވެސް ވިދާޅުވި
އަދި ސޮވެރިންގ ޑިވެލޮޕްމަންޓް ފަންޑާ ބެހޭ ބިލާއި ލޭންޑް ރީއެޖެސްމަންޓާ ބެހޭ ބިލާއި ފްރީހޯލްޑް އަދި ލީސްހޯލްޑް އުސޫލުން ބިން ހޯދާ ލިބިގަތުމާ ބެހޭ ބިލު ވެސް ހުށަހެޅުމަށް ނިންމާފައިވާ ކަމަށް އެ މަނިކުފާނު ވިދާޅުވި އަދި ކޮޕީރައިޓާއިގުޅޭ ހައްގުތަކުގެ ޤާނޫނު އިސްލާހުކުރުމަށް ބިލަކާއި ކޮންވޭޔަންސިންއާ ބެހޭ ބައިތައް ހިމަނައިގެން ބިމާ ބެހޭ ޤާނޫނު އިސްލާހުކުރުމަށް ބިލެއް ހުށަހަޅަން ގަސްދުކުރައްވާ ކަމަށް ރައީސް ވިދާޅުވި.
– އިގުތިސާދީ ގޮތުން އަަންހެނުން ބާރުވެރިކުރުވަން 100 މިލިއަންގެ ލޯނު ޕްރޮގްރާމެއް ފަށާކަން ރައީސް ވިދާޅުވެއްޖެ
އެގޮތުން، 100 މިލިއަން ރުފިޔާގެ ލޯން ދޫކުރާނެ ކަމަށް އެ މަނިކުފާނު ވިދާޅުވި. އޭގެ ތެރެއިން 25 އިންސައްތަ ހާއްސަ ކުރާނީ ކަނބަލުންގެ ތެރެއިން ހާއްސަ އެހީއަށް ބޭނުންވާ ކަނބަލުންނަށް ކަމަށް ރައީސް ވިދާޅުވި.
– ފަތުރުވެރިކަމުގެ ދާއިރާއަށް އަލިއަޅުއްވާ ރައީސް ވިދާޅުވީ، ސަރުކާރުގެ އަމާޒަކީ މި އަހަރު 20 ރިސޯޓް ހުޅުވައި، 2857 އެނދު އުފެއްދުން ކަމަށް.
ސީޕްލޭން ހަބަކާ އެކު އައްޑޫ ސިޓީއަށް 'އައްސޭރި ޓޫރިޒަމް' މަޝްރޫއު އެކުލަވާލައި އިފްތިތާހުކުރުމުގެ ގޮތުން އައްޑޫއަށް ހާއްސަ ޓޫރިޒަމް ޑިވެލޮޕްމަންޓް ޕްލޭނެއްގެ މަސައްކަތް ކުރަމުން އަންނަކަމަށް ރައީސް ވިދާޅުވި
– ރާއްޖޭގެ އިގުތިސާދު ފުޅާކުރަން ޖިއޮގްރަފީ ގޮތުން ރާއްޖެ އޮތް ސަރަހައްދުގެ ބޭނުން ހިފާނެކަމަށް ރައީސް ވިދާޅުވި، އެގޮތުން ރާއްޖޭގައި ކުރެވިދާނެ ސިނާއީ އާ މަސައްކަތްތަކާއި ކުރެވިދާނެ އާ އިންވެސްޓްމަންޓްތައް ވަރަށް ގިނަ ކަމަށް ވިދާޅުވި. އަދި އެކަމަށް ޝައުގުވެރިވާ ފަރާތްތައް ވެސް ވަރަށް ގިނަ ކަމަށް ވިދާޅުވި. އުންމީދަކީ އިތުރު ގައުމުތަކާ އެކު މިނިވަން ވިޔަފާރީގެ އެއްބަސްވުން ހެދުންކަމަށް ވިދާޅުވި
ޗައިނާއާ އެކު ހެދި މިނިވަން ވިޔަފާރީގެ އެއްބަސްވުމަށް އަމަލުކުރަން ފެށުމަށް ރައްޔިތުންގެ މަޖިލީހުގެ އެއްބާރުލުން ލިބޭނެ ކަމަށް އުންމީދުކުރައްވާ ކަމަށް ރައީސް ވިދާޅުވި. އެ މަނިކުފާނު ވިދާޅުވީ، އެ އެއްބަސްވުމުގެ ސަބަބުން ވިޔަފާރިތަކާއި އިގުތިސާދަށް ކުރިއެރުން ލިބޭނެ ކަމަށް.
– ރައީސް ވިދާޅުވީ ރާއްޖެއަކީ ބައިނަލްއަގުވާމީ ކަނޑު ބަނދަރުގެ ޚިދުމަތަށް އެންމެ ފައްކާ އެއް ސަރަހައްދު ކަަމަށް. ނަމަވެސް ވިދާޅުވީ އެ ފުރުސަތު ލިބި އޮވެމެ، އޭގެ ބޭނުން ނުހިފައި ސަރުކާރުން ނޯންނާނެ ކަަމަށް. އެހެންކަމުން ސަރުކާރުގެ އަމާޒު ހުރީ މޯލްޑިވްސް އިކޮނޮމިކް ގޭޓްވޭގެ ގޮތުގައި، އިހަވަންދިއްޕޮޅުގައި ބަންކަރިން އާއި ބައިނަލްއަގުވާމީ ބިޔަ ބަނދަރަކާއި ވިޔަފާރީގެ މަޝްރޫއެއް ހިންގުން ކަމަށް ވިދާޅުވި. މާލެ އަތޮޅު ތިލަފުށީގައި ވެސް ބައިނަލްއަގުވާމީ ވިޔަފާރި ބަނދަރެއްގެ ޚިދުމަތާއި ލ. ގާދޫގައި ބަންކަރިން ހިދުމަތް ފަށާނެކަމަށް ވިދާޅުވި.
– ސީދާ ރައީސާ ސުވާލުކުރެވޭ ފޯރަމެއް ތިން މަހުން އެއް މަހު ބާއްވަން ނިންމަވާފައިވާކަމަށް ރައީސް ވިދާޅުވި
ވަޒީރުން، ސީދާ ރައްޔިތުންގެ ސުވާލުތަކަށް ކޮންމެ ދެ މަހުން އެއް މަހަކު ޖަވާބުދާރީވުމަށް ބާއްވާ "އަހާ" ފޯރަމްގެ އިތުރުން، ކޮންމެ ތިން މަހުން އެއް މަހަކު ރައްޔިތުންގެ ސުވާލުތަކަށް ސީދާ ރައީސް ޖަވާބުދެއްވަން ބާއްވާ ހާއްސަަ ސިލްސިލާއެއް މި މަހު ފައްޓަވާނެ ކަމަށް ރައީސް ވިދާޅުވި. މި ފެބްރުއަރީ މަހުގެ ފުރަތަމަ ދުވަހުން ފެށިގެން، މަދުވެގެން ކޮންމެ ވެސް އެއް ރައްޔިތެއްގެ ވީޑިއޯ ސުވާލަކަށް ސީދާ އެމަނިކުފާނު ކޮންމެ ދުވަހަކު ޖަވާބުދޭން ފައްޓަވާފައިވާކަމަށް ރައީސް ވިދާޅުވި
– 10:20 ގައި ރައީސްގެ ރިޔާސީ ބަޔާން ނިންމަވާލެއްވީ މިނިވަންކަން މަތީ ރާއްޖެ ލެހެއްޓެވުން އެދި ދުއާ ދަންނަވަމުން
އިތުރު ތަފްސީލް އަންނަނީ..
