މި ސަރުކާރުން އައްޑޫގައި ބްރިޖެއް އަޅަން ނިންމާފައިވާތީ ތިމާވެށީގެ ޖަމިއްޔާއެއްކަމަށްވާ އިކޯކެއާ މޯލްޑިވްސް އިން ކަންބޮޑުވުން ފާޅުކޮށް ބަޔާނެއް ނެރެފިއެވެ.
އެ ޖަމިއްޔާ އިން ނެރުނު ބަޔާނެއްގައި ބުނީ އެންމެ ބޮޑު ކަންބޮޑުވުމަކީ އަޅަން އުޅޭ ބްރިޖްގެ ސަބަބުން ހުޅުމީދޫގެ ވެއްޓަށާއިި ހިތަދޫ ނޭޗާ ޕާކް ސަރަހައްދަށް ގެއްލުން ލިބިދާނެތީ ކަމަށެވެ.
އިކޯކެއާއިން ބުނީ އައްޑޫ ހުޅުމީދު އާއި ހިތަދޫ ބްރިޖަކުން ގުޅައިލުން މުހިއްމު ނޫން ކަމަށާއި އައްޑު އަށް ބޭނުން ވަނީ ރަނގަޅު ފެރީ ނިޒާމެއް ކަމަށެވެ.
Ecocare Maldives is deeply concerned about the potential irreversible damage that may result from the proposed Hulhumeedhoo – Hithadhoo Bridge project to the Hithadhoo Protected Area (Addu Nature Park).@MoEnvmv @governmentmv @MoCImv @EPAMaldives @presidencymv @AdduCityCouncil pic.twitter.com/lJvDKqi4Fc
— Ecocare Maldives (@ecocare_mv) February 6, 2024
އެ ޖަމިއްޔާ އިން ފާހަގަކުރި ގޮތުގައި ރަނގަޅު ފެރީގެ ނިޒާމެއްގެ ތެރެއިން އައްޑޫގެ އަވަށްތައް ގުޅައިލުން، ބްރިޖަކުން ގުޅައިލުމަށް ވެ ހުރިހާ ގޮތަކުން ވެސް ފައިދާ ބޮޑެވެ. ސަބަބަކީ އެފަދަ ވަސީލަތެއްގެ ސަބަބުން ދަތުރުފަތުރަށް އެކަށީގެންވާ ފަސޭހަތަކެއް ނުލިބުމެވެ. އަދި ބްރިޖް އެޅުމާއި އެ ބެލެއްޓުން ފަދަ ކަންކަމަށް ކުރަން ޖެހޭ މަސައްކަތް ވެސް ބޮޑުވުމެވެ. އަދި އެއީ ތިމާވެއްޓަށް ނޭދެވޭ އަސަރު ކުރާނެ ކަމެއް ކަމަށް އިކޯކެއާ އިން ބުންޏެވެ.
އެހެންވެ އައްޑޫގައި ބްރިޖް އެޅުމާ މެދު ކަމާބެހޭ އިދާރާތަކުން ފުންކޮށް ވިސްނައި، މިކަމުން ތިމާވެއްޓަށް ލިބިދާނެ ގެއްލުންތަކާ ދޭތެރޭޢ ވިސްނުމަށް އެޖަމިއްޔާ އިން އެދިފައިވެ އެވެ.
އައްޑޫގައި ބްރިޖެއް އެޅުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ، މިދިޔަ ހޯމަ ދުވަހު އެ މަނިކުފާނު ދެއްވި ރިޔާސީ ބަޔާނުގައި އައްޑޫ ބްރިޖަކީ ސަރުކާރުގެ އެންމެ ބޮޑު އެއް މަޝްރޫއުކަމުގައި ވިދާޅުވިއެވެ.