މާލޭ ޗާންދަނީމަގުގެ އިމާރާތެއް މަތިން ވެއްޓުނު މީހާ މަރުވެއްޖެއެވެ.
އައިޖީއެމްއެޗް އިން މީޑިއާ އަށް މައުލޫމަތު ދެމުން ބުނީ، އެ މީހާ މިއަދު މެންދުރު ފަހު 13:40 އެހާކަންހާއިރު މަރުވެފައިވާ ކަމަށެވެ.
ފުލުހުން ބުނީ ޗާންދަނީ މަގުގައި ހުރި އިމާރާތެއްގެ މަތިން މީހަކު ވެއްޓިފައިވާ ކަމުގެ މައުލޫމާތު މިއަދު ހެނދުނު 10:30 ހާއިރު ފުލުހުންނަށް ލިބިފައިވާ ކަމަށެވެ
އެމީހާ އައިޖީއެމްއެޗް އަށް ގެންދިޔަ އިރު ވެސް ހާލުވަރަށް ސީރިއަސް ކަމަށް އެ ހޮސްޕިޓަލުން ވަނީ ބުނެފައެވެ. އޭނާ މަރުވެފައި ވަނީ އެމެޖެންސީގައި ފަރުވާދެމުން ދަނިކޮށެވެ.
އެ މީހާ ވެއްޓުނީ އިމާރާތުގެ ނުވަވަނަ ފަންގިފިލާގެ ސިޑިގޮޅިން އެންމެ ތިރިއަށެވެ.
